გია ვოლსკი - იმ შეკითხვას არავინ სვამს, როგორ მოახერხა დავით კეზერაშვილმა თავდაცვის მინისტრის პოსტის დატოვებისთანავე მილიარდერად ქცევა

იმ შეკითხვას არავინ სვამს, როგორ მოახერხა დავით კეზერაშვილმა თავდაცვის მინისტრის პოსტის დატოვებისთანავე მილიარდერად ქცევა,- ამის შესახებ საპარლამენტო უმრავლესობის ლიდერმა, გია ვოლსკიმ ჟურნალისტებს თავდაცვის ყოფილ მინისტრ დავით კეზერაშვილთან დაკავშირებით გავრცელებული ინფორმაციის კომენტირებისას განუცხადა.

როგორც ვოლსკი აცხადებს, მთავარი შეკითხვა ის კი არაა, დამთხვევაა თუ არა გამოძიების დაწყება და კეზერაშვილის მიერ ტელევიზიის გახსნის დაანონსება, არამედ ის თუ როგორ გახდა მილიარდერი კეზერაშვილი მინისტრის პოსტის დატოვების შემდეგ.

„ძალიან საინტერესო დამთხვევები ხდება. კეზერაშვილის განცხადების შემდეგ, რომ ტელევიზიას ქმნის, ისრაელში დაიწყო რაღაც მითქმა-მოთქმა, იმის თაობაზე, რომ ჩართულია კორუფციულ გარიგებებში. დაემთხვა თუ არ დაემთხვა? ეს არის მთავარი შეკითხვა, მაგრამ იმ შეკითხვას არავინ არ სვამს, როგორ მოახერხა კეზერაშვილმა თავდაცვის მინისტრის პოსტის დატოვებისთანავე მილიარდერად ქცევა. შეიძლება ეს შეკითხვა ჰქონდეთ სამართალდამცავებს ისრაელშიც და რას რა ემთხვევა, ამას ნუ განვსაზღვრავთ, იმიტომ, რომ ადამიანმა შეიძლება წინასწარ იცოდეს მის მიმართ გარკვეული პრეტენზიების არსებობის შესახებ, ეგ ერთი და მეორე, ისრაელი საკმაოდ განვითარებული და მყარი დემოკრატიის მქონე ქვეყანაა იმისათვის, რომ გაითვალისწინოს კეზერაშვილს ტელევიზიის შექმნა უნდა თუ არ უნდა და ამის მიხედვით იმსჯელოს მის მიმართ გამოძიების წარმოებაზე. ეს იმდენად ლოგიკურია, რომ მე არა მგონია, ან ისრაელს უნდა მივაყენოთ შეურაცხყოფა ჩვენს კომენტარებში ან ჩვენ დავკარგოთ ლოგიკა საქართველოში“, - განაცხადა გია ვოლსკიმ.

შეგახსენებთ, გავრცელებული ინფორმაციით, თავდაცვის ყოფილი მინისტრის, დავით კეზერაშვილის წინააღმდეგ ისრაელში იარაღით ვაჭრობასთან დაკავშირებით, საგამოძიებო მოქმედებები მიმდინარეობს.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)