გამანაწილებელ ქსელში დაგეგმილი სარეაბილიტაციო სამუშაოების გამო, 14 აგვისტოს, 12:00-დან 14:00 საათამდე მომხმარებლებს მცხეთის მუნიციპალიტეტის სოფლებში: საგურამო, ახალსოფელი, გაზის დასახლებასა და საგურამო-ზედაზნის გზის მიმდებარე ტერიტორიაზე ენერგომომარაგება დროებით შეეზღუდებათ. ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.
მათივე ინფორმაციით, 11:00-დან 18:00 საათამდე ელექტროენერგიის მიწოდება შეუწყდება აბონენტებს დუშეთის მუნიციპალიტეტის დაბა ფასანაურში, სოფლებში: წითლიანა, ცხვედიეთი, ქავთარაანი და მიმდებარე სოფლებში, ასევე სოფელ ქვემო არანისში და ჟინვალში.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.