ლია გიგაური სოფლების განთიადის, ჯავახისა და შინდლარის მოსახლეობას შეხვდა

შერიგებისა და სამოქალაქო თანასწორობის საკითხებში სახელმწიფო მინისტრის მოადგილე ლია გიგაური დმანისის მუნიციპალიტეტის სოფლებში - განთიადში, ჯავახსა და შინდლარში იმყოფებოდა, სადაც მოსახლეობას შეხვდა.

შერიგებისა და სამოქალაქო თანასწორობის საკითხებში სახელმწიფო მინისტრის პრესსამსახურის ინფორმაციით, შეხვედრებზე, რომელთაც საკანონმდებლო ორგანოსა და ადგილობრივი თვითმმართველობის წარმომადგენლებიც ესწრებოდნენ, რეგიონში არსებული გამოწვევები და ის საკითხები მიმოიხილეს, რომლებიც მოსახლეობას აწუხებს.

ადგილობრივებმა, მათ შორის ეთნიკური უმცირესობების წარმომადგენლებმა, დეტალურად ისაუბრეს მათ საჭიროებებზე, რომლებიც ინფრასტრუქტურულ საკითხებს - წყლით მომარაგებას, გზებს, ქუჩებისა და სკოლების კეთილმოწყობას უკავშირდება.

შეხვედრებზე მოსახლეობას მათ სოფლებსა და ზოგადად, რეგიონში დაგეგმილი პროექტების შესახებაც მიაწოდეს ინფორმაცია. ცენტრალური და ადგილობრივი ხელისუფლების, აგრეთვე, საკანონმდებლო ორგანოს წარმომადგენლებმა თითოეულ კითხვას ამომწურავად უპასუხეს.

„დღეს დმანისის მუნიციპალიტეტში სამი სოფლის მოსახლეობას შევხვდით. ასეთი უშუალო და გახსნილი შეხვედრები მნიშვნელოვანია იმისათვის, რომ მოქვეყნის ბიუჯეტი მოსახლეობის საჭიროებების შესაბამისად, მათი საუკეთესო ინტერესების გათვალისწინებით დაიგეგმოს. ამ გზით შესაძლებელია უფრო ახლოს მივიდეთ რეგიონებში მცხოვრებ ადამიანებთან, მაქსიმალურად გაიზარდოს მათი ჩართულობა და მონაწილეობა დაგეგმვის პროცესში, გვქონდეს საშუალება მოვისმინოთ შეფასებები მიმდინარე პროექტებთან დაკავშირებით და ერთდად განვსაზღვროთ ახალი პრიორიტეტები.

დღევანდელ შეხვედრებზე განსაკუთრებულად გამოიკვეთა სასმელი და სარწყავი წყლის პრობლემატიკა, სამედიცინო სერვისების ეფექტურობის გაზრდის საჭიროება.

მოსახლეობა გახსნილად ლაპარაკობს პრობლემებზე, რადგან სჯერათ, რომ მათი რეკომენდაციები უყურადღებოდ არ დარჩება და ხელისუფლება მათ მოსაგვარებლად მაქსიმუმს გააკეთებს“, - განაცხადა ლია გიგაურმა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო