„ევროპული საქართველოს” ერთ-ერთი წევრი, დეპუტატი სერგო რატიანი, გლდანის ციხეში, 20 ივნისის მოვლენებთან დაკავშირებით დაკავებული პირების მოსანახულებლად მივიდა.
რატიანის განცხადებით, დღეს ის და ელენე ხოშტარია მოინახულებენ პატიმრებს და გაარკვევენ, თუ როგორია მათი მდგომარეობა.
„დღეს მოვინახულებთ 20 ივნისის მოვლენებთან დაკავშირებით დაკავებულ პირებს. ადამიანებს, რომლებიც ფაქტობრივად პილიტიკასთან არ არიან კავშირში და პოლიტიკური დევნის მსხვერპლი აღმოჩნდნენ. ეს ადამიანები საჭიროებენ მონახულებას და იმის გაგებას, რამე პრობლემა ხომ არ აქვთ. ამიტომ შევდივართ მე და ელენე ხოშტარია. ნაწილს მე მოვინახულებ, ნაწილს ელენე და დღეს ყველას ვნახავთ. მთავარი არის ის, რომ ეს ადამიანები, რომლებიც არ არიან ჩართული პოლიტიკაში, არ არიან აფილირებული არც ერთ პარტიასთან, აღმოჩნდნენ პოლიტიკური დევნის მსხვერპლნი და ჩვენი ვალია, რომ ეს ადამიანები მოვინახულოთ და ამ მდგომარებაში არ დავტოვოთ“, - განაცხადა რატიანმა.