ავღანეთის უსაფრთხოების ძალების ოპერაციას 11 მშვიდობიანი მცხოვრები შეეწირა

ავღანეთის აღმოსავლეთში პაკისტანის საზღვართან მდებარე პროვინცია პაკტიაში ავღანეთის უსაფრთხოების ძალების ოპერაციას 11 მშვიდობიანი მოქალაქე შეეწირა. ამ ფაქტის გამო შეშფოთება გამოთქვა გაერო-მ, რომელიც დამოუკიდებელი გამოძიების ჩატარებას გეგმავს.

ავღანეთის უსაფრთხოების ეროვნული სამმართველოს განცხადების თანახმად, ოპერაცია პროვინცია პაკტიაში მიმართული იყო თალიბანის საფარის წინააღმდეგ და ლიკვიდირებულ მებრძოლებს შორის ორი მეთაური იყო. იარაღი და საბრძოლო მასალებიც ამოღებულია. უსაფრთხოების სამსახური ამტკიცებს, რომ რეიდი ოპერატიული ინფორმაციის საფუძველზე ჩატარდა და მშვიდობიან მოქალაქეებს შორის მსხვერპლი არ არის.

ადგილობრივი წყაროები, მათ შორის მუნიციპალური დეპუტატები კი ამტკიცებენ, რომ უსაფრთხოების ძალებმა ალყა შემოარტყეს სახლს, რომელშიც ადგილობრივ სტუდენტს თავისი მეგობრები მუსლიმური დღესასწაულის აღსანიშნად ვახშამზე ჰყავდა დაპატიჟებული. უსაფრთხოების ძალებმა ახალგაზრდები სახლიდან გაიყვანეს და ერთმანეთის მიყოლებით დახვრიტეს.

ამ ინფორმაციას „როიტერი“ ავრცელებს.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!