ტრამპი ჩინეთის პრეზიდენტს ჰონგ-კონგში შექმნილ პოლიტიკურ კრიზისთან დაკავშირებით შეხვედრას სთავაზობს

აშშ-ის პრეზიდენტი დონალდ ტრამპი ჩინეთის პრეზიდენტ სი ძინპინის ჰონგ-კონგში შექმნილ პოლიტიკურ კრიზისთან დაკავშირებულ საკითხებზე მსჯელობისთვის შეხვედრას სთავაზობს.

როგორც პრეზიდენტ ტრამპის „ტვიტერის“ პოსტშია აღნიშნული, იგი დარწმუნებულია, რომ სი ძინპინი ჰონგ -კონგის პრობლემას „სწრაფად და ჰუმანურად“ მოაგვარებს.

„მე ჩინეთის პრეზიდენტ სის კარგად ვიცნობ. ის დიდებული ლიდერია, რომელიც ძალიან დიდ პატივს სცემს საკუთარ თავს. სრულიად არ მეპარება ეჭვი იმაში, რომ პრეზიდენტ სის ჰონგ -კონგის პრობლემის „სწრაფად და ჰუმანურად“ მოგვარება სურს,“ - წერს დონალდ ტრამპი.

აშშ-ის პრეზიდენტი „ტვიტერის“ პოსტს მოკლე შეკითხვით ასრულებს : „პირადი შეხვედრა?“

შეგახსენებთ, რომ ჰონგ-კონგის საერთაშორისო აეროპორტში სამშაბათს საღამოს პოლიციასა და დემონსტრანტებს შორის ძალადობრივი შეტაკება მოხდა. ჩინეთის ხელისუფლებამ მომიტინგეების ქმედებები დაგმო და განაცხადა, რომ მათი საქციელი „ტერორიზმს უახლოვდება.“

აშშ-ის პრეზიდენტის მრჩეველმა ეროვნული უსაფრთხოების საკითხებში ჯონ ბოლტონმა კი ჩინეთს სიფრთხილის გამოჩენისკენ მოუწოდა, „ვინაიდან ამერიკელ ხალხს კარგად ახსოვს ტიანანმენის მოედანი.“ მან აღნიშნა, რომ 1989 წელს სტუდენტების მიერ ორგანიზებული საპროტესტო აქციის არმიის გამოყენებით დარბევის გამეორება „დიდი შეცდომა იქნება.“

იხილეთ ვიდეო

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა