რელიგიის საკითხთა სახელმწიფო სააგენტო საქართველოში მცხოვრებ ლათინ-კათოლიკეთა სამოციქულო ეკლესიასა და მის მრევლს დღესასწაულს ულოცავს.
როგორც „ინტერპრესნიუსს“ სააგენტოდან აცნობეს, ისინი მრევლს მშვიდობასა და კეთილდღეობას უსურვებენ.
„დღეს კათოლიკეები ყოვლადწმინდა ღმრთისმშობლის ზეცად აყვანებას -მიძინებას ზეიმობენ. საეკლესიო სწავლებით, ღვთისმშობელს მისი მიძინების დღე უფალმა მთავარანგელოზ გაბრიელის მიერ ახარა, რომელიც მას ზეთისხილის მთაზე ლოცვისას გამოეცხადა.
ხვალ თბილისის ყოვლადწმინდა ღმრთისმშობლის ზეცადაყვანების საკათედრო ტაძრის დღესასწაული აღინიშნება“, - აცხადებენ სააგენტოში.