ტექნიკური უნივერსიტეტის კურსდამთავრებულს ლიეტუვამ მაგისტრატურაში სწავლა 4 000 ევროთი დაუფინანსა

საქართველოს ტექნიკური უნივერსიტეტის კურსდამთავრებული თამთა პეტაშვილი სწავლას ლიეტუვაში, ვილნიუსის უნივერსიტეტის ევროკავშირის ბიზნესის სამართლის სამაგისტრო პროგრამაზე გააგრძელებს და მაგისტრის ხარისხს დაეუფლება. ამის შესახებ „ინტერპრესნიუსს“ საქართველოს ტექნიკური უნივერსიტეტიდან აცნობეს.

ქართველ მაგისტრანტს ლიეტუვას რესპუბლიკის განათლებისა და მეცნიერების სამინისტროს ფონდი სასწავლო პროგრამას 4 000 ევროთი დაუფინანსებს, 400 ევროს კი, ყოველთვიურად, სტიპენდიის სახით გადასცემს.

„თამთა პეტაშვილი, რომელმაც ახალციხის N5 საჯარო სკოლა დაამთავრა, ტექნიკური უნივერსიტეტის სამართლისა და საერთაშორისო ურთიერთობების ფაკულტეტის სამართლის საბაკალავრო პროგრამაზე სწავლის პარალელურად, ლიეტუვურ ენას სტუ-ის ლიეტუვას ენის, კულტურისა და განათლების ცენტრში ეუფლებოდა. წელს კი, ტექნიკური უნივერსიტეტის ლიეტუვას ცენტრის შუამდგომლობითა და ლიეტუვას რესპუბლიკის მთავრობის მხარდაჭერით, ის ვილნიუსის უნივერსიტეტის მაგისტრანტი გახდა.“ - ნათქვამია ინფორმაციაში.

ცნობისათვის, საქართველოს ტექნიკურ უნივერსიტეტში ლიეტუვას ენის, კულტურისა და განათლების ცენტრი ლიეტუვას პრეზიდენტმა დალია გრიბაუსკაიტემ და სტუ-ის რექტორმა, აკადემიკოსმა არჩილ ფრანგიშვილმა 2018 წლის 26 მაისს გახსნეს. ცენტრი ტექნიკური უნივერსიტეტის სტუდენტებს საშუალებას აძლევს, აქტიურად შეიწავლონ ენა, ეზიარონ მეგობარი ქვეყნის კულტურას და მონაწილეობა მიიღონ ლიეტუვას რესპუბლიკის მიერ მხარდაჭერილ სხვადასხვა საგანმანათლებლო პროექტებში.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)