ინფრასტრუქტურის სამინისტრო ანაკლიის კონსორციუმიდან „კონტის“ გასვლაზე - ინვესტორს გააჩნია ვალდებულება ნებისმიერი აქციის გასხვისება შეათანხმოს მთავრობასთან, რასაც ადგილი არ ჰქონია

საქართველოს რეგიონული განვითარებისა და ინფრასტრუქტურის სამინისტროში აცხადებენ, რომ ამერიკული „კონტი ჯგუფის“ (Conti International LLC) მიერ „ანაკლიის განვითარების კონსორციუმის“ დატოვების შესახებ დღეს, მედიასაშუალებებით შეიტყვეს.

როგორც ანაკლიის ღრმაწყლოვანი ნავსადგურის განვითარების სააგენტოს ხელმძღვანელმა დავით ჯავახაძემ საკითხის კომენტირებისას განაცხადა, „კონტი ჯგუფი“ 2018 წლის დეკემბრიდან კონსორციუმის მენეჯმენტში აღარ მონაწილეობდა და არც მოლაპარაკებებში იყო ჩართული.

მისივე თქმით, ინვესტორს გააჩნია ვალდებულება ნებისმიერი აქციის გასხვისება შეათანხმოს საქართველოს მთავრობასთან, რასაც ადგილი არ ჰქონია.

„კომპანია „კონტის“ კონსორციუმიდან გასვლის შესახებ ინფორმაცია შევიტყვეთ დღეს პრესის მეშვეობით. კონსორციუმს რაიმე ინფორმაცია ამასთან დაკავშირებით არ წარმოუდგენია. ამასთან დაკავშირებით შემიძლია აღვნიშნო, რომ პირველ რიგში, 2018 წლის 6 დეკემბრიდან კომპანია „კონტი“ კონსორციუმის ანუ ინვესტორის მენეჯმენტში აღარ მონაწილეობდა, ასევე , "კონტი" აღარ მონაწილეობდა ხელშეკრულებების ცვლილებებზე მიმდინარე მოლაპარაკებებში, თუმცა ის რჩებოდა მსხვილ აქციონერად პროექტში. აქვე მინდა დავამატო, რომ საინვესტიციო შეთანხმების შესაბამისად ინვესტორს გააჩნია ვალდებულება ნებისმიერი აქციის გასხვისება შეათანხმოს საქართველოს მთავრობასთან, რასაც ადგილი არ ჰქონია. აქედან გამომდინარე, იმისათვის, რომ ჩვენ შეფასება გავაკეთოთ შესაძლო შედეგებზე, ჩვენ უნდა მოვიპოვოთ დამატებითი ინფორმაცია, დავუკავშირდეთ კონსორციუმს, შევისწავლოთ ეს საკითხი და იმის და მიხედვით დავაფიქსირებთ ჩვენს პოზიციას,“ -აცხადებს დავით ჯავახაძე.

შეგახსენებთ, რომ ანაკლიის განვითარების კონსორციუმი ერთ–ერთმა დამფუძნებელმა და აქციონერმა– ამერიკულმა "კონტი ჯგუფმა" (Conti International LLC) დატოვა, რაც “ინტერპრესნიუსს“ კონსორციუმის გენდირექტორმა ლევან ახვლედიანმა დაუდასტურა.

იხილეთ ვიდეო: ინფრასტრუქტურის სამინისტრო - ინვესტორს ვალდებულია აქციების გასხვისება შეათანხმოს მთავრობასთან, რასაც "კონტის" მხრიდან ადგილი არ ჰქონია

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს