ყანდაურაში მომხდარ მკვლელობაზე, 85 წლის  ომარ გამყრელიძის და მისი შვილიშვილის გაერთიანებული  საქმის არსებითი განხილვა გაიმართა

ყანდაურაში მომხდარ მკვლელობაზე, თელავის რაიონულ სასამართლოში, 85 წლის ომარ გამყრელიძის და მისი შვილიშვილის გაერთიანებული საქმის არსებითი განხილვა გაიმართა.

დღევანდელ პროცესზე უმცროსმა ომარ გამყრელიძემ დაკავების დღეს, 85 წლის ომარ გამყრელიძის მიმართ ფიზიკური ძალადობის ფაქტზე დამნაშავეების დასჯა მოითხოვა. გამყრელიძემ განმარტა, რომ საგარეჯოს პოლიციაში ხანდაზმულს სამართალდამცველები ფიზიკურად გაუსწორდნენ და დაზიანებები მიაყენეს.

თავის მხრივ, მოსამართლე მამუკა წიკლაურმა ბრალდების მხარეს სამედიცინო ექსპერტიზის დასკვნა მოსთხოვა.

გამყრელიძეების ადვოკატის, გილერ ენდელაძის თქმით, ბრალდება სამედიცინო ექსპერტიზის დასკვნას ვერ წარმოადგენს, რადგან ექსპერტიზა ამ დრომდე არ ჩაუტარებიათ. უფრო მეტიც, მისი თქმით, 85 წლის ომარ გამყრელიძის გამოკითხვა ამ საკითხთან დაკავშირებით არ მომხდარა.

პროკურორმა, ვლადიმერ ბექიშვილმა კი განმარტა, რომ ომარ გამყრელიძის განცხადებაზე მიმდინარეობს გამოძიება.

გამყრელიძეები წარდგენილ ბრალს არ აღიარებენ.

გაერთიანებული საქმის განხილვა, 22 აგვისტოს, 16:00 საათზე განახლდება.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა