საქართველოს ეროვნული ბანკის მონაცემებით, მიმდინარე წლის ივლისში ქვეყანაში გადმორიცხული ფულადი გზავნილების მოცულობამ 154.5 მილიონი აშშ დოლარი შეადგინა, რაც 7%-ით ანუ 10.1 მილიონი დოლარით აღემატება გასული წლის ივლისის მაჩვენებელს.

ივლისის მთლიან ფულად გზავნილებში 38.2%-იანი წილი ევროკავშრის ქვეყნებზე მოდის. ჯამურად ევროკავშირის ქვეყნებიდან ერთი თვის განმავლობაში საქართველოში 59 მილიონი აშშ დოლარია და ზრდა წინა წლის ანალოგიურ პერიოდთან შედარებით 22%-ს შეადგენს.

ივლისის მონაცემებით, მთლიან ფულად გზავნილებში რუსეთი 25%-იანი წილითაა წარმოდგენილი, რუსეთის ფედერაციიდან საქართველოში ივლისის განამვლობაში ფულადი გზავნილები 9%-ით შემცირდა და 38.98 მილიონი დოლარი შეადგინა.

ივლისში 14%-ით შემცირდა ფულადი გზავნილები თურქეთიდან და 8.66 მილიონ დოლარს გაუტოლდა. მთლიან ფულად გზავნილებში თურქეთის წილი 5.6%-ია. ამასთან, სებ-ის მონაცემებით, ივლისში საქართველოდან საზღვარგარეთ 19.2 მლნ აშშ დოლარი გადაირიცხა , რაც გასული წლის მაჩვენებელს 1.6%-ით აღემატება.