„გალერია თბილისში“  მცირე ხანძარი, რომელიც, სავარაუდოდ, გამწოვს გაუჩნდა, ლიკვიდირებულია

"გალერია თბილისში“ მცირე ხანძარი, რასაც დაკვამლიანება მოჰყვა, ამ დროისთვის ლიკვიდირებულია. როგორც საგანგებო სიტუაციების მართვის სამსახურის თბილისის მთავარი სამმართველოს უფროსმა, ოთარ კერესელიძემ ჟურნალისტებს განუცხადა, დაკვამლიანების შედეგად არავინ დაშავებულა და ზარალიც, ფაქტობრივად, არ არის.

"დაახლოებით 23:00 საათზე შემოვიდა შეტყობინება, რომ "გალერია თბილისში" იყო ძლიერი დაკვამლიანება. დაახლოებით 4-5 წუთში ადგილზე 8 სახანძრო და სამშველო ჯგუფი იყო მობილიზებული. განხორციელდა ხალხის დროული ევაკუაცია. დაშავებული არავინ არ არის. სავარაუდოდ, ცეცხლი გამწოვს გაუჩნდა. ამ დროისთვის კი ხანძარი ლიკვიდირებულია. უსაფრთხოების მიზნით ადგილზე სახანძრო-სამაშველო ძალები რჩებიან. რაც შეეხება ზიანს, დაზიანებული, გარდა აღნიშნული გამწოვისა, არაფერი არ არის“, - განაცხადა კერესელიძემ.

როგორც "გალერია თბილისის" დირექტორმა ნიკა ცინცაძემ ჟურნალისტებს აცნობა, ობიექტი მუშაობას ხვალ ჩვეულ რეჟიმში განაახლებს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა