ჩრდილო კორეა კიდევ ორ რაკეტას ცდის და სამხრეთ კორეასთან მოლაპარაკებებზე უარს აცხადებს

ჩრდილოეთ კორეა უარს ამბობს სამხრეთ კორეასთან მოლაპარაკებების გაგრძელებაზე და აცხადებს, რომ ეს გადაწყვეტილება სამხრეთ კორეის მოქმედებების გამო მიიღო.

„ბიბისის“ ინფორმაციით, ჩრდილოეთ კორეამ სამხრეთ კორეის პრეზიდენტის მიმართვის საპასუხოდ განცხადება გაავრცელა, სადაც აღნიშნულია, რომ „სამხრეთ კორეა აგრძელებს სამხედრო წვრთნებს... ის [სამხრეთ კორეის პრეზიდენტი] საუბრობს „მოლაპარაკებებზე“ ჩრდილოეთსა და სამხრეთს შორის და ამავდროულად აგრძელებს ომის სცენარს, რომლის მიზანი ჩვენი არმიის 90 დღეში განადგურებაა. ის ნამდვილად უსირცხვილო ადამიანია,“ - აღნიშნულია განცხადებაში.

პრეზიდენტმა მუნ ჯე ინმა თავის გამოსვლაში განაცხადა, რომ 2045 წლისთვის კორეის ნახევარკუნძული გაერთიანდება. მან აღნიშნა, რომ კორეის ნახევარკუნძულის დენუკლეარიზაცია „კრიტიკულ სიტუაციაშია“, ვინაიდან ჩრდილოეთ და სამხრეთს შორის მოლაპარაკებები ჩიხში შევიდა.

ამასთანავე, სამხრეთ კორეის გაერთიანებული შტაბის ინფორმაციით, დღეს დილით ჩრდილო კორეამ კიდევ ორი რაკეტა გამოსცადა, რაც ბოლო ერთი თვის განმავლობაში მეექვსე ასეთი დატესტვა იყო.

მათივე ინფორმაციით, ამოუცნობი ტიპის რაკეტებმა ზღვის დონიდან 30 კილომეტრით ზემო 230 კმ მანძილი დაფარა.

იხილეთ ვიდეო: ჩრდილოეთ კორეა სამხრეთ კორეასთან მოლაპარაკებების გაგრძელებაზე უარს აცხადებს

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა