ნაზი ჯანეზაშვილი - მოსამართლეობის კანდიდატებთან გასაუბრების პროცესმა დაადასტურა, რომ სასამართლო სისტემაში ავტორიტარული მმართველობაა

უზენასი სასამართლოს მოსამართლეობის კანდიდატებთან გასაუბრების პროცესმა დაადასტურა, რომ სისტემაში ავტორიტარული მმართველობაა, ამ პროცესმა კოსმეტიკური დანიშნულების მინიმალური სტანდარტიც კი ვერ დააკმაყოფილა. ვიბრძოლებთ იმისთვის, რომ სისტემაში ავტორიტარული მმართველობის წესი დასრულდეს, - ამის შესახებ იუსტიციის საბჭოს არამოსამართლე წევრმა ნაზი ჯანეზაშვილმა დღეს გამართულ ბრიფინგზე განაცხადა, სადაც უზენაესი სასამართლოს მოსამართლეობის კანდიდატებთან გასაუბრების პროცესი შეაფასა.

როგორც ჯანეზაშვილი აცხადებს, ვერც ერთმა მოქმედმა მოსამართლემ ვერ შეძლო გაებედა და ეთქვა სიმართლე, რომ სისტემაში ერთი ადამიანის მმართველობაა.

„ჩვენი დღევანდელი ბრიფინგი ეხება უზენაესი სასამართლოს მოსამართლეობის კანდიდატებთან გასაუბრების საკითხს. ვფიქრობთ, გასაუბრების პროცესმა დაადასტურა, რომ სისტემაში, სასამართლოში არის ავტორიტარული მმართველობა, რომელსაც დემოკრატიასთან საერთო არაფერი აქვს. გასაუბრების პროცესი ჯგუფური შეტევების ფონზე მიმდინარეობდა. ისინი ეცადნენ, რომ კონკურსის მეშვეობით შეექმნათ დემოკრატიული იმიჯი, მაგრამ გასაუბრების პროცესმა ცხადყო, რომ რეალურად, სისტემაში არის ანტიდემოკრატიული ტენდენციები და ვერც ერთმა მოქმედმა მოსამართლემ, რომელიც არის კონკურსანტი, ვერ შეძლო და ვერ გაბედა ეთქვა სიმართლე, რომ სისტემაში ერთი ადამიანის მმართველობაა და მას ჰქვია ჩინჩალაძე, რომელსაც ასევე მხარს უჭერს ლევან მურუსიძე. ეს არის ფასადური, ყალბი კონკურსი და მას საერთო არაფერი აქვს კონკურენციასთან. სია გაჯერებული იყო მოსამართლეებით, რომლებიც ვფიქრობ, მონაწილეობდნენ პროცესში იმიტომ, რომ შეექმნათ ერთგვარი ფონი. ამ პროცესმა კოსმეტიკური დანიშნულების მინიმალური სტანდარტიც კი ვერ დააკმაყოფილა. სწორედ ამ ფასადურ კონკურსს უნდა დაერქვას სახელი და ეს არის სწორედ ავტორიტარული მმართველობა სასამართლო სისტემაში, რომელიც ძირს უთხრის ჩვენი ქვეყნის დემოკრატიას. ვიბრძოლებთ იმისთვის, რომ სისტემაში ავტორიტარული მმართველობის წესი დასრულდეს. ძალაუფლება ერთი ადამიანის ხელშია კონცენტრირებული“,- განაცხადა ჯანეზაშვილმა.

იუსტიციის უმაღლეს საბჭოში უზენაესი სასამართლოს მოსამართლეობის კანდიდატების მოსმენა 15 აგვისტოს დასრულდა. იუსტიციის საბჭო, სავარაუდოდ, თვის ბოლოს უყრის კენჭს კანდიდატთა 20-კაციან სიას, რომელიც შემდეგ პარლამენტს წარედგინება.

იხილეთ ვიდეო

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში