საქართველოში 17 აგვისტოს ნალექიანი ამინდია მოსალოდნელი

საქართველოში ხვალ, 17 აგვისტოს ნალექიანი ამინდია მოსალოდნელი. ამის შესახებ „ინტერპრესნიუსს“ გარემოს ეროვნული სააგენტოს პროგნოზირების ცენტრის ხელმძღვანელმა, სვეტლანა ნიორაძემ განუცხადა.

მისივე ინფორმაციით, 17 აგვისტოს, საღამოსა და ღამის საათებში, როგორც დასავლეთ, ისე აღმოსავლეთ საქართველოში, მათ შორის დედაქალაქში ხანმოკლე წვიმაა ნავარაუდევი.

„რაც შეეხება ტემპერატურას, ხვალ მოსალოდნელია +24 - 29 გრადუსი, ხოლო 18 აგვისტოს ჰაერი +26-31 გრადუსამდე გათბება. 19 აგვისტოს უნალექო ამინდია მოსალოდნელი.

რაც შეეხება დედაქალაქს, თბილისში საღამოსა და ღამის საათებში შესაძლოა იყოს ხანმოკლე წვიმა. ხვალ ჰაერი +35 გრადუსამდე გათბება. 19 აგვისტოს ჩათვლით ტემპერატურა +35-36 გრადუსის ფარგლებში იქნება,“ - განაცხადა სვეტლანა ნიორაძემ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“