გამანაწილებელ ქსელში დაგეგმილი სარეაბილიტაციო სამუშაოების გამო, 19 აგვისტოს, 11:00-დან 15:00 საათამდე, ენერგომომარაგება დროებით შეეზღუდებათ მომხმარებლებს მცხეთის მუნიციპალიტეტის სოფლებში: ნატახტარი და მისაქციელი. ამის შესახებ „ინტერპრესნიუსს“ „ენერგო-პრო ჯორჯიადან’’ აცნობეს.
მათივე განცხადებით, 11:00-დან 17:00 საათამდე ელექტროენერგიის მიწოდება შეუწყდებათ აბონენტებს დუშეთის მუნიციპალიტეტის სოფლებში: ახალშენი, ჭილურტი, მჭადიჯვარი, პეტრიაანი, ლამოვანი, კოდის წყარო, კადოეთი და მიმდებარე სოფლებში.
სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.