არჩილ თალაკვაძე - იმის მაგივრად, რომ ჩვენი ოპონენტები საუბრობდნენ, საიდან მოდის ოკუპაციის პრობლემა, გამოდიან და საკუთარ სახელმწიფოს ესვრიან ტალახს

იმის მაგივრად, რომ ჩვენი ოპონენტები საუბრობდნენ, საიდან მოდის ოკუპაციის პრობლემა, გამოდიან და საკუთარ სახელმწიფოს ესვრიან ტალახს, - ამის შესახებ საქართველოს პარლამენტის თავმჯდომარემ არჩილ თალაკვაძემ ჟურნალისტებთან საუბრისას განაცხადა.

„დარწმუნებული ვარ, მოვა დრო, როდესაც ეს მავთულხლართები, ეს ღობეები გახდება ანაქრონიზმი და შეუთავსებელი დროსთან. ჩვენ მშვიდობით, ეკონომიკური განვითარებით, ჩვენი დემოკრატიის გაძლიერებით და პრაგმატული საგარეო პოლიტიკით აუცილებლად შევძლებთ, რომ დავიბრუნოთ ჩვენი ძმები და დავიბრუნოთ ჩვენი ტერიტორიები.

გუგუტიანთკართან დაკავშირებით, ხელისუფლებამ გადავდგით ყველა საჭირო ნაბიჯი, ყველა შესაძლო ნაბიჯი, დაწყებული დიპლომატიურ კორპუსთან კომუნიკაციით - მათი ჩაყვანით ადგილზე, დასრულებული საერთაშორისო მექანიზმების - ცხელი ხაზის და სადამკვირვებლო მისიების გამოყენებით, რათა ის პროცესი, რამაც გამოიწვია სოფლის ადგილობრივი მოსახლეობის პროტესტი, შეჩერებულიყო. ამ მომენტისთვის, ეს არის შეჩერებული.

კიდევ ერთხელ ვამბობ, ეს არის გამოწვევა, ოკუპაცია არის რთული პრობლემა, რომელიც აქვს ჩვენს ქვეყანას, მაგრამ ამან არ უნდა შეგვაშინოს, არ უნდა დაგვათმობინოს ჩვენი მომავალი.

მნიშვნელოვანია, რომ საზოგადოება ვიდგეთ ერთად ამ პრობლემების წინაშე, მაგრამ ეს ერთად დგომა უნდა იყოს ძალიან პრაგმატული, ძალიან გონივრული და ამავე დროს, სამშობლოს სიყვარულით და პატრიოტიზმით აღჭურვილი. სხვადასხვა კომენტარები მოვისმინე დღეს. იმის მაგივრად, რომ ჩვენი ოპონენტები და სხვადასხვა აქტივისტთა ჯგუფები საუბრობდნენ, საიდან მოდის ეს ოკუპაციის პრობლემა, თუ რა სჭირდება საქართველოს, რომ მოაგვაროს ეს პრობლემა მომავალში და მოაგვაროს მშვიდობიანად, ეს ადამიანები გამოდიან და სხვდასხვა ადგილებში დაკავებულები არიან იმით, რომ საკუთარ ხელისუფლებას და საკუთარ სახელმწიფოს აკრიტიკებენ და ესვრიან ტალახს. სამწუხაროა ეს.

მაგრამ, ჩვენ გვაქვს საკმარისი ძალა და საზოგადოების მხარდაჭერა, რომ ეს საკითხები გადავჭრათ პრაგმატულად, გრძელვადიან პერსპექტივაში განვითარებით, დემოკრატიის გაძლიერებითა და მშვიდობიანი გზებით“, - განაცხადა არჩილ თალაკვაძემ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)