ინდონეზიის ტერიტორიულ წყლებში, გემზე გაჩენილ ხანძარს შვიდი ადამიანი ემსხვერპლა, მათ შორის ორი ბავშვია. ოთხი ადამიანი ამ დრომდე დაკარგულად მიიჩნევა.

საძიებო-სამაშველო ოპერაციების ეროვნულ ცენტრზე დაყრდნობით სააგენტო „სინჰუა“ იუწყება, რომ ინციდენტი პროვინცია სამხრეთ-აღმოსავლეთ სულავესის მახლობლად მოხდა, როდესაც გემი მოროვალის რაიონის პორტში მიემერთებოდა.

„თავდაპირველად სამანქანო განყოფილებაში აალება მოხდა. ეკიპაჟმა ცეცხლის ჩაქრობა სცადა, მაგრამ ვერ შეძლო. ხანძარი სულ ძლიერდებოდა. ამის გამო მგზავრები წყალში გადახტნენ“, - განაცხადა საძიებო-სამაშველო ოპერაციების ეროვნული ცენტრის წარმომადგენელმა იუსუფ ლატიფმა.

ხანძრის მიზეზი უცნობია, მიმდინარეობს გამოძიება.