ნინო ბურჯანაძე - საქართველომ დსთ-ს დატოვებით შეცდომა დაუშვა

„ერთიანი საქართველო - დემოკრატიული მოძრაობას“ ლიდერი ნინო ბურჯანაძე მიჩნევს, რომ საქართველომ შეცდომა დაუშვა და

არავითარი სარგებელი არ მიუღია იმისგან, რომ ათი წლის წინ დამოუკიდებელ სახელმწიფოთა თანამეგობრობა დატოვა. ამის შესახებ ბურჯანაძემ რუსულ სააგენტო „რია ნოვოსტის“ განუცხადა.

„მე ქვეყნის დსთ-დან გასვლის ვერავითარ სარგებელს ვერ ვხედავ. საქართველომ კარი გამოიჯახუნა და ეს იყო მხოლოდ პოლიტიკური ჟესტი. პოლიტიკაში ასეთ გადაწყვეტილებებს კარგი არაფერი მოაქვთ. რაც შეეხება ზიანს, ეს იყო მოლაპარაკებათა არენა, ეს რუს კოლეგებთან შეხვედრის საშუალებას იძლეოდა. ჩემი აზრით, საჭირო იყო პირიქით, დსთ-ს ველის მაქსიმალურად გამოყენება ყველა პრობლემის გასაჟღერებლად, რომლებიც გვაწუხებს და დსთ-ს ლიდერებში მხარდაჭერა გვეძებნა“ ,- განაცხადა ბურჯანაძემ.

მისი თქმით, საქართველომ თავისი გადაწყვეტილებით შეცდომა დაუშვა, რადგან თანამეგობრობაში ყოფნა მის სუვერენიტეტს არ ზღუდავდა.

„ეს იყო მხოლოდ პოლიტიკური ნაბიჯი, რომელმაც აჩვენა, რომ აი, გამოვედით მათი სფეროდან, სადაც რუსეთია დომინანტი“ - განაცხადა პარტიის ლიდერმა.

საქართველოს მიერ დსთ-ს დატოვებიდან 18 აგვისტოს 10 წელი გავიდა. 2009 წლის 18 ასგვისტოს საქართველომ დამოუკიდებელ სახელმწიფოთა თანამეგობრობა ოფიციალურად დატოვა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში