დონალდ ტრამპი რეცესიის საშიშროებაზე - ჩვენი მომხმარებელი მდიდარია, მე გადასახადები შევამცირე და ისინი ფულით არიან სავსე

აშშ-ის პრეზიდენტი დონალდ ტრამპი აცხადებს, რომ ქვეყანაში ეკონომიკური რეცესიის საშიშროება არ არსებობს და რომ ის ჩინეთთან სავაჭრო შეთანხმების მისაღწევად მზად არაა, - ამის შესახებ ინფორმაციას „როიტერსი“ ავრცელებს.

“ძალიან კარგად ვართ, ჩვენი მომხმარებელი მდიდარია, მე გადასახადები მნიშვნელოვნად შევამცირე და ისინი ფულით არიან სავსე,“ - განაცხადა ტრამპმა.

რაც შეეხება ჩინეთთან სავაჭრო შეთანხმებას, აშშ-ის პრეზიდენტი დარწმუნებულია, რომ ჩინეთი მზადაა შეთანხმების მისაღწევად, მაგრამ თავად ამისთვის ჯერჯერობით მზად არ არის.

ტრამპმა ასევე მიანიშნა, რომ თეთრ სახლს ჰონგ-კონგში მიმდინარე საპროტესტო აქციების „ჰუმანური გზით გადაჭრის“ ხილვა სურს.

„ვფიქრობ, ეს სავაჭრო შეთანხმების მისაღწევად ძალიან კარგი იქნება,“ - დასძინა მან.

ტრამპის კომენტარს წინ უძღოდა გასულ კვირას აშშ-ის საფონდო ბირჟებზე ქვეყნის სამივე ძირითადი ინდექსის დაახლოებით 3 პროცენტამდე შემცირება, რამაც რეცესიის შიში გამოიწვია.

აშშ-ის ფედერალურმა რეზერვმა და სხვა 19-მა ცენტრალურმა ბანკმა მონეტარული პოლიტიკა შეარბილეს, რაც Fitch Ratings-მა შეაფასა, როგორც ყველაზე დიდი ცვლილება 2009 წლის რეცესიის შემდეგ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში