აშშ-ის პრეზიდენტი დონალდ ტრამპი აცხადებს, რომ 2020 წლის საპრეზიდენტო არჩევნებზე, მაიკ პენსს კვლავ ვიცე-პრეზიდენტობის კანდიდატად დაასახელებს. ამის შესახებ სააგენტო „როიტერსი“ იუწყება.
დონალდ ტრამპმა განაცხადა, რომ ვიცე-პრეზიდენტი მაიკ პენსი 2020 წლის ნოემბრის საპრეზიდენტო არჩევნებში მასთან ერთად იბრძოლებს. „ძალიან მიხარია მაიკ პენსის გამო“, - განაცხადა ტრამპმა.
პროფესიით იურისტ მაიკ პენსს ამერიკის შეერთებული შტატების ვიცე-პრეზიდენტის პოსტი 2017 წლიდან უკავია. ის 2013-2017 წლებში ინდიანას 50-ე გუბერნატორი იყო. პენსი 2001-2013 წლებში აშშ-ის წარმომადგენელთა პალატის წევრი იყო.