სამედიცინო რეგულირების სააგენტოს ხელმძღვანელი - ამბროლაურში, 16 წლის მოზარდთან დაკავშირებით მომხდარ ფაქტზე რამდენიმე ექიმის პასუხისმგებლობის საკითხი გამოიკვეთა

სამედიცინო საქმიანობის რეგულირების სააგენტოს ხელმძღვანელის, ზაალ კაპანაძის ინფორმაციით, ამბროლაურში მომხდარი ფაქტის თაობაზე რამდენიმე ექიმის პასუხისმგებლობის საკითხი გამოიკვეთა, რაც 16 წლის მოზარდის ჯანმრთელობის მდგომარეობის გართულებას უკავშირდება.

ამასთან, კითხვაზე, შესაძლოა თუ არა, რომ მათ ლიცენზია შეუჩერდეთ, ზაალ კაპანაძემ აღნიშნა, რომ პროფესიული განვითარების საბჭო კოლეგიალური ორგანოა, რომელიც შესაბამის გადაწყვეტილებას მიიღებს.

„ჩვენი სააგენტოს მხრიდან შემოწმება განხორციელდა. იქ რამდენიმე ეტაპია გავლილი. პირველ ეტაპზე ბავშვი კლინიკაში მოათავსეს, შემდეგ რეანომობილით გადაიყვანეს და ბოლოს ქუთაისის ინტენსიურში იყო. ჩვენი მოკვლევის შედეგად გამოიკვეთა რამდენიმე დაწესებულების, რამდენიმე ექიმის პასუხისმგებლობის საკითხი, რაც პროფესიული განვითარების საბჭოზე გავა. შესაბამისად, ეს საბჭო იმსჯელებს, თუ რა პასუხისმგებლობა დაეკისრებათ,“ - განაცხადა ზაალ კაპანაძემ.

ამასთან, მან უარყო გავრცელებული ინფორმაცია, რომ სეზონის დასრულების შემდეგ რაჭაში რეანომობილი აღარ იქნება.

16 წლის მოზარდის ოჯახის ინფორმაციით, ის შეუძლოდ მწვავე ვირუსით, ზღვიდან დაბრუნების შემდეგ გახდა, მდგომარეობის დამძიმების შემდეგ კი ამბროლაურის კლინიკაში გადაიყვანეს, სადაც თბილისში გადასაყვანად რეანომობილი გამოიძახეს. მოზარდის მამიდის, ფატი გოგოლაშვილის ინფორმაციით, გზაში რეანომობილის აპარატურა დაზიანდა, რამაც მდგომარეობის გართულება გამოიწვია. პაციენტი ტყიბულში კლინიკაში მიიყვანეს. მისივე თქმით, საჭირო გახდა მეორე რეანომობილის გამოძახება, რომელმაც სამი საათი დააგვიანა.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება