თურქეთის სამხედრო კოლონამ, რომელიც საბრძოლო მასალით არის დატვირთული, თურქეთ-სირიის საზღვარი გადაკვეთა და იდლიბის ქალაქ ხან-შეიხუნისკენ მიემართება. ამის შესახებ სირიის არაბთა რესპუბლიკის საგარეო საქმეთა სამინისტროს ოფიციალურმა წარმომადგენელმა განაცხადა.

სამინისტროს განცხადებაში ნათქვამია, რომ თურქული კოლონა „ქალაქ ხან-შეიხუნში შედის, რათა რეალურად უკვე დამარცხებულ ტერორისტულ დაჯგუფებას „ჯაბჰათ ან-ნუსრას“ დაეხმაროს. ეს ადასტურებს თურქეთის მიერ ტერორისტული დაჯგუფების შეუზღუდავ მხარდაჭერას“.

საგარეო საქმეთა სამინისტროს განცხადების თანახმად, სირიის არაბთა რესპუბლიკა „მკაცრად გმობს თურქეთის აღმაშფოებელ ჩარევას“ და „სირიის სუვერენიტეტის, ერთიანობისა და ტერიტორიული მთლიანობის შეუნიღბავ დარღვევაზე სრულ პასუხისმგებლობას ანკარას აკისრებს“.

აღნიშნულ ინფორმაციას "ტასი" ავრცელებს.