მიხეილ ხიდურელი საქართველოში „ფორსაჟი 9“-ის ეპიზოდის გადაღების შედეგად მიღებულ ფინანსურ სარგებელსა და პროექტის მარკეტინგულ მნიშვნელობაზე საუბრობს

სააგენტოს „აწარმოე საქართველოში“ ხელმძღვანელი მიხეილ ხიდურელი, თბილისში ფილმის „ფორსაჟი 9“ ეპიზოდის გადაღების დაწყებას სოციალურ ქსელში ეხმაურება.

როგორც მიხეილ ხიდურელი წერს, საქართველოში „ფორსაჟი 9“- ის ეპიზოდის გადაღებასთან დაკავშირებით ბევრი, მათ შორის სკეპტიკური აზრი გაჩნდა. ხიდურელი პროექტის შედეგად საქართველოს მიერ მიღებულ ფინანსურ სარგებელსა და პროექტის მარკეტინგულ მნიშვნელობას უსვამს ხაზს და აღნიშნავს, რომ მიდის მოლაპარაკებები სხვა მასშტაბურ ჰოლივუდურ პროექტებზე.

„ვულოცავ ყველას - ჰოლივუდი უკვე აწარმოებს საქართველოში! ბევრი აზრი გაჩნდა, მათ შორის რამოდენიმე სკეპტიკური, ამიტომ მნიშვნელოვანია ყველამ იცოდეს რას ნიშნავს ეს ჩვენი ქვეყნისთვის:

პირველ რიგში, ეს არის ქვეყანაში დახარჯული 32 მილიონ ლარზე მეტი - ადგილობრივი სერვისების შეძენა, აღჭურვილობის დაქირავება, სასტუმროს ხარჯები, ხელფასები ადგილობრივად დასაქმებულებს, ტრანპორტის დაქირავება, ბაზირება (ექსპო ჯორჯია აქვთ აღებული 5 კვირით);

მეორე, ეს არის ყველაზე ეფექტური მარკეტინგული აქტივობა ქვეყნის პოპულარიზაციისა და ტურისტების მოზიდვისთვის, ვიღებთ ქვეყნის Placement-ს მსოფლიო ბლოგბასტერში, უფასოდ.

მესამე, ამ მასშტაბის ფილმის ქვეყანაში გადაღება ნიშნავს იმას, რომ ჰოლივუდმა, როგორც ინდუსტრიამ, საქართველოს აუნთო მწვანე შუქი. ჩვენზე უკვე სხვა სტუდიოები ლაპარაკობენ, შეუქცევადი პროცესი დაიწყო, რაც ნიშნავს, რომ კიდევ უფრო მეტი პროექტი შემოვა.

რაც შეეხება cash rebate-ს, ჩვენი პროგრამის “გადაიღე საქართველოში” თანახმად, დახარჯული, კვალიფიციური თანხის 20-25 % კინომწარმოებელ კომპანიას უბრუნდება უკან და რეალურად გადასახადის დაქვითვის ხარჯზე ხდება. ეს არის ძალიან კარგად აპრობირებული მექანიზმი და ბევრ ქვეყანაში უკვე იქცა კიდეც ეკონომიკის წამყვან ინდუსტრიად. აღარაფერს ვამბობ იმ უდიდეს გამოცდილებაზე, რასაც ქართული კინოინდუსტრიის წარმომადგენლები მიიღებენ აღიშნული პროექტში მონაწილეობის შედეგად.

მიდის მოლაპარაკებები სხვა მასშტაბურ ჰოლივუდურ პროექტებზე“, - წერს ხიდურელი.

შეგახსენებთ, რომ პროგრამის „გადაიღე საქართველოში“ ფარგლებში, ჰოლივუდის კინომწარმოებელი კომპანიის UNIVERSAl PICTURES ფილმის Fast and Furious 9 (ფორსაჟი 9) ეპიზოდის გადაღება დღეს დაიწყო და პროცესი 20 სექტემბერს დასრულდება.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)