ბორის ჯონსონი - „ბექსთოფის“ გეგმა ანტიდემოკრატიული, უსარგებლოა და უნდა გაუქმდეს

ევროკავშირის მიერ შემოთავაზებული „ბექსთოფის“ გეგმა ანტიდემოკრატიული და უსარგებლოა და უნდა გაუქმდეს, - ამის შესახებ ბრიტანეთის პრემიერ მინისტრი ბორის ჯონსონი ევროსაბჭოს პრეზიდენტ დონალდ ტუსკთან გაგზვნილ წერილში აცხადებს.

„ბიბისის“ ინფორმაციით, წერილში ჯონსონი აღნიშნავს, რომ „ბექსთოფი“ ჩრდილო ირლანდიის მშვიდობას ძირის გამოთხრით ემუქრება.

მისივე მტკიცებით, თუკი გეგმა გაუქმდება, პარლამენტი „ბრექსითის“ შეთანხმებას განიხილავს.

წერილში ჯონსონი „ბექსთოფს“ გაერთიანებული სამეფოს სუვერენიტეტთან შეუსაბამოს უწოდებს და აცხადებს, რომ ის არ შეიძლება გასვლის ხელშეკრულების ნაწილი იყოს.

ბრიტანეთის პრემიერ მინისტრი ევროკავშირს "მყარი საზღვრის" თავიდან აცილების მიზნით "მოქნილი და კრეატიული გადაწყვეტილებების მიღებისა" და "ალტერნატიული შეთანხმებების" მიღებისკენ მიუწოდებს.

მისი თქმით, „ბექსთოფი“ უნდა ჩანაცვლდეს ვალდებულებით, რომლის თანახმადაც რაც შეიძლება დიდხანს, გარდამავალი პერიოდის (2020 წლის ბოლო) დასრულებამდე, ეს შეთანხმებები იმოქმედებს.

„დრო ძალიან ცოტაა, მაგრამ გაერთიანებული სამეფო მზადაა სწრაფად იმოქმედოს და იმედი მაქვს, ევროკავშირიც ასევე მოიქცევა... ასევე დარწმუნებული ვარ, რომ იმ შემთხვევაში, თუ ჩვენ დამაკმაყოფილებელ შეთანხმებას მივაღწევთ, რომლის ნაწილი „ბექსთოფი“ აღარ იქნება, პარლამენტიც მოახერხებს სწრაფ მოქმედებას,“ - წერს ჯონსონი.

აღნიშნული საკითხი ჯონსონმა და ირლანდიის პრემიერ-მინისტრმა ლეო ვარადკამ გუშინ გამართულ სატელეფონო საუბრისასაც განიხილეს. ვარადკამ დაადასტურა, რომ „ბექსთოფი“ არ უნდა შეიცვალოს.

„ბექსთოფის“ გეგმა, რომელიც ევროკავშირიდან გასვლის შეთანხმების ნაწილია, მიზნად ისახავს ირლანდიასთან მყარი საზღვრის თავიდან აცილებას. მისი განხორციელების შემთხვევაში ჩრდილოეთ ირლანდიაში ევროკავშირის ბაზრის გარკვეული წესები იმოქმედებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან