ეს ეხება იმას, რომ ამ ადამიანებს, რეალურად, „რუსთავი 2“ არ ედარდებათ, როგორც კომპანია, არამედ ედარდებათ, რომ ის იყოს კონკრეტული ადამიანების ხელში, - ამის შესახებ „რუსთავი 2“-ის გენერალურმა დირექტორმა პაატა სალიამ, ტელეკომპანიიდან გათავისუფლებულ რამდენიმე ჟურნალისტზე საუბრისას განაცხადა.

მისი თქმით, ამიერიდან, ჟურნალისტებს მითითები აღარ მიეცემათ და მათ მიხეილ სააკაშვილის დავალებების შესრულება აღარ მოუწევთ.

„არ მიგვიღია ეს გადაწყვეტილება სარედაქციო პოლიტიკიდან გამომდინარე, ამ კონკრეტული ადამიანების მოსაზრებებიდან და მათ მიერ ეთერში გაკეთებული განცხადებებიდან. ეს ეხება იმას, რომ ამ ადამიანებს, რეალურად, „რუსთავი 2“ არ ედარდებათ, როგორც კომპანია, არამედ ედარდებათ, რომ ის იყოს კონკრეტული ადამიანების ხელში. ჩვენ სარჩელში პირდაპირ მივუთითებთ, რომ ყარამანიშვილები რეალური მესაკუთრეები არასდროს ყოფილან და მიხეილ სააკაშვილი იყო ამ არხის მესაკუთრე. ქიბარ ხალვაში აცხადებს, რომ ეს არხი ვერ შეასრულებს მიხეილ სააკაშვილის დავალებებს, დამთავრდება ამ არხზე მიხეილ სააკაშვილის დავალებების შესრულება. თუ ვინმე არ ასრულებდა ძალიან კარგი, თუ ვინმე ასრულებდა ამიერიდან არავისგან ექნება დავალება“,- განაცხადა სალიამ.