სადაზღვევო კომპანია „ალდაგი“ „ჯორჯიან უოთერ ენდ ფაუერს“ დაზარალებული მოსახლეობისთვის მიყენებული ზიანის ასანაზღაურებლად ნახევარ მილიონზე მეტ ლარს გადასცემს.
როგორც „ინტერპრესნიუსს“ სადაზღვევო კომპანია „ალდაგიდან“ აცნობეს, მაგისტრალური წყალსადენის ქსელი რამდენიმე თვის წინ მგალობლიშვილისა და ბარნოვის ქუჩებზე დაზიანდა. შედეგად, ზარალი მიადგა რამდენიმე კერძო და იურიდიულ პირს. მათივე ცნობით, „ალდაგის“ მიერ ანაზღააურებული თანხით კომპანია შეძლებს, სრულად გაისტუმროს დაზარალებული მოსახლეობის წინაშე არსებული ვალდებულება.
„ჯორჯიან უოთერ ენდ ფაუერს“ „ალდაგში“ დაზღვეული ჰქონდა მესამე პირის წინაშე პასუხისმგებლობა, რამაც მას საშუალება მისცა სრულად აენაზღაურებინა თანხა მოსახლეობისათვის. მოხარული ვართ, რომ შედგა წარმატებული თანამშრომლობა ორ კომპანიას შორის. „ალდაგი“ მზადაა, მასთან დაზღვეულ კორპორაციულ კლიენტებს შესთავაზოს მაქსიმალურად სწრაფი და საიმედო მხარდაჭერა, რათა კომპანიებმა შეძლონ სტაბილური განვითარება და გარემოსა თუ ადამიანების წინაშე აღებული პასუხისმგებლობის შესრულება,“ - განაცხადა „ალდაგის“ იურიდიული და სადაზღვევო შემთხვევების მართვის დირექტორმა თეონა კვიციანმა.