„წითელი ხაზები გადაკვეთილია. „რუსთავი 2-ში" ტოტალური წმენდა დაიწყო” - ამის შესახებ „კურიერის“ წამყვანმა მიხეილ სესიაშვილმა კურიერის დაწყებისას განაცხადა. მან, დიანა ჯოჯუასთან ერთად, ტელეკომპანია „რუსთავი 2“ დატოვა.

„წითელი ხაზები გადაკვეთილია. „რუსთავი 2-ში" ტოტალური წმენდა დაიწყო. ეს ჩემთვისაც დასასრულია, დასასრული ისეთი "რუსთავი 2-ის", რომელიც მიყვარდა და რომელსაც აფასებდა მაყურებელი. 12 წლის განმავლობაში ვმუშაობდი გუნდდთან, რომელიც გაცილებით მეტი იყო ვიდრე სამსახური, რომელიც იყო ოჯახი, რომელიც იყო ერთი იდეის გარშემო გაერთიანებული ადამიანების ერთობა, ბრძოლაში გამოწრთობილი ადამიანების ერთობა, რომელიც ამ ქვეყანაში ქმნიდა თავისუფალ სივრცეს და საუკეთესო სატელევიზიო პროდუქტს. მე დღეს ვტოვებ "რუსთავი 2-ს", მაგრამ ვიტოვებ იმედს, რომ ისევ შევხდებით. ბრძოლა უკეთესი მომავლისა და თავისუფალი საქართველოსთვის გრძელდება“, - განაცხადა სესიაშვილმა.