ლაურა ღაჭავა - საფუძველი არ მაქვს ვიფიქრო, რომ ჩემს წინააღმდეგ სისხლის სამართლებრივი დევნა პოლიტიკური მოტივით დაიწყო, ჯერ საქმის მასალებს უნდა გავეცნო

საფუძველი არ მაქვს ვიფიქრო, რომ ჩემს წინააღმდეგ სისხლის სამართლებრივი დევნა პოლიტიკური მოტივით დაიწყო, - ამის შესახებ ბიზნესმენმა ლაურა ღაჭავამ პოლიციის სამმართველოში შესვლამდე, ჟურნალისტებთან განაცხადა.

როგორც მან აღნიშნა, ის აღნიშნულთან დაკავშირებით მას შემდეგ გააკეთებს ზუსტ დასკვნას, რაც საქმის მასალებს გაეცნობა.

„საფუძველი არ მაქვს ვთქვა, რომ ჩემი საგამოძიებო სამსახურში დაბარება პოლიტიკური მოტივით ხორციელდება. უნდა ჩამოვყალიბდე, საქმის მასალებს გავეცნობი, გამოვალ და ყველაფერს მოგახსენებთ, რა ბრალს მიყენებენ. რაც არ ვიცი, ვერ გეტყვით. მე ვარ მართალი, მაქვს სუფთა დღგ-ები, აქტივი, რომელიც ბანკიდან მივიღე. შეძენილი მაქვს 2013 წლიდან და ახლა, ასე უცებ რა მოხდა, გავერკვევი და მოგახსენებთ“, - განაცხადა ღაჭავამ.

შეგახსენებთ, ლაურა ღაჭავას წინააღმდეგ საგამოძიებო სამსახურმა სისხლის სამართლებრივი დევნა დაიწყო. უწყების ინფორმაციით, ღაჭავას მიერ გამოყენებული ყალბი აქტივის ოდენობა და სახელმწიფოსთვის მიყენებული, ამ ეტაპზე დადგენილი ზიანი შეადგენს 2 160 955 ლარს.

ღაჭავას წინააღმდეგ გამოძიება საქართველოს სისხლის სამართლის კოდექსის 210-ე მუხლის მე-2 ნაწილით მიმდინარეობს. მას 4-დან 7-წლამდე ვადით პატიმრობა ემუქრება.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა