ეკონომიკის სამინისტრო საქართველო-აშშ-ს შორის პირდაპირი ფრენების საკითხზე ამერიკულ ავიაკომპანიებთან მოლაპარაკებას იწყებს

ეკონომიკის მინისტრის განცხადებით, ის სექტემბერში ჩავა აშშ-ში ორ მსხვილ ავიაკომპანიასთან მოსალაპარაკებლად საქართველო-აშშ-ს შორის პირდაპირი ფრენების დაწყებასთან დაკავშირებით.

"ინტერპრესნიუსის" კითხვაზე, რა ეტაპზეა ეკონომიკური კვლევა საქართველო-აშშ-ს შორის პირდაპირი ფრენების დაწყების შესახებ, ეკონომიკისა და მდგრადი განვითარების მინისტრი ნათია თურნავა აცხადებს, რომ კვლევა დასრულდა და მის თანახმად, პირდაპირი ფრენები აშშ-სთან როგორც სტრატეგიული, ისე კომერციული თვალსაზრისით მიმზიდველია.

"ჩვენ საკმაოდ დეტალური კვლევა განვახორციელეთ, რომელმაც დაადასტურა, რომ პირდაპირი ფრენები საქართველოდან ამერიკის შეერთებულ შტატებში არის მიმზიდველი. ეს არ არის მხოლოდ ჩვენი სტრატეგიული ამოცანა, იმიტომ, რომ აშშ ჩვენი სტრატეგიული პარტნიორია და პირდაპირი ფრენების დაწყება იქნება ძალიან ნათელი, ცალსახად პოზიტიური პოლიტიკური რეჟიმი. ეს ასევე კომერციულადაც მიმზიდველია კომპანიებისთვის, ვინც ამას მოკიდებს ხელს.

ეს უკვე პირველი ძალიან მნიშვნელოვანი გადადგმული ნაბიჯია, რომელიც ჩვენ შემდგომ მოლაპარაკებებში დაგვეხმარება.

სექტემბრის დასაწყისში მე პირადად მომლაპარაკებელ გუნდთან ერთად ვგეგმავ ამერიკის შეერთებულ შტატებში ჩასვლას. იქ შეხვედრა გვექნება ორ წამყვან ავიაკომპანიასთან, რომლებიც, ვფიქრობთ, რომ დაინტერესდებიან საქართველოში პირდაპირი ფრენების დაწყებით და ველოდებით, რომ მსგავსად Ryanair-თან მოლაპარაკებისა, რომელიც ძალიან მოკლე ვადებში დავასრულეთ, ასევე წარმატებით დავასრულებთ ამ მოლაპარაკებას," -განაცხადა ნათია თურნავამ "ინტერპრესნიუსთან" საუბრისას.

შეგახსენებთ, რომ საქართველო-აშშ-ს შორის პირდაპირი ფრენების შესაძლო დაწყება პრემიერ-მინისტრმა მამუკა ბახტაძემ დააანონსა. როგორც პრემიერმა მიმდინარე წლის 4 აპრილს განაცხადა, შესაბამის ეკონომიკურ კვლევაზე ეკონომიკისა და მდგრადი განვითარების სამინისტრო მუშაობდა და მისი დასრულების შემდეგ მოხდებოდა შესაბამისი კომპანიის მოძიება.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)