ირლანდიაში საქართველოს ელჩი - „რაინეარის“ საქართველოში შემოსვლა ქვეყნის ეკონომიკის და ტურიზმის განვითარებას ხელს შეუწყობს

ირლანდიაში საქართველოს დროებითი რწმუნებულის, გიორგი ზურაბაშვილის შეფასებით, საქართველოში, მსოფლიოში უმსხვილესი დაბალბიუჯეტიანი ირლანდიური ავიაკომპანიის „რაინეარის“ შემოსვლა ეკონომიკური დიპლომატიის ნათელი მაგალითია.

გიორგი ზურაბაშვილის თქმით, „რაინეართან“ ურთიერთთანამშრომლობის შესახებ ხელშეკრულების გაფორმება საქართველოს საგარეო საქმეთა სამინისტროს, ირლანდიაში საქართველოს საელჩოსა და ეკონომიკისა და მდგრადი განვითარების სამინისტროს მრავალწლიანი შრომისა და ძალისხმევის შედეგია. როგორც დროებითმა რწმუნებულმა აღნიშნა, ახალი ავიაკომპანიის შემოსვლა ქართულ ბაზარზე ხელს შეუწყობს საქართველოს ტურიზმისა და ეკონომიკის განვითარებას. „მრავალწლიანი მოლაპარაკებების შემდეგ კომპანია „რაინეარი“ საქართველოში შემოდის. აღნიშნული ავიაკომპანიის საქართველოში შემოსვლა ნიშნავს იმას, რომ საქართველოში ხედავენ დიდ ტურისტულ, ეკონომიკურ და სატრანზიტო პოტენციალს. ეს ხელს შეუწყობს საქართველოს ეკონომიკისა და ტურიზმის სფეროების განვითარებას“, - აღნიშნა გიორგი ზურაბაშვილმა. ირლანდიაში საქართველოს საელჩოს აქტიური ჩართულობით, ეკონომიკისა და მდგრადი განვითარების სამინისტროსა და „საქართველოს აეროპორტების გაერთიანების“ ერთობლივი ძალისხმევით, ქართულ მხარესა და ირლანდიურ ავიაკომპანია „რაინეარს“ შორის ურთიერთთანამშრომლობის შესახებ ხელშეკრულება გაფორმდა. ხელშეკრულებას მთავრობის ადმინისტრაციაში ხელი მოაწერეს ეკონომიკისა და მდგრადი განვითარების სამინისტროს „საქართველოს აეროპორტების გაერთიანების“ დირექტორმა, გიორგი ჩოგოვაძემ და „რაინეარის“ კომერციულმა დირექტორმა, დევიდ ო’ ბრაიენმა.

„რაინეარი“ თბილისისა და ქუთაისის საერთაშორისო აეროპორტებიდან იფრენს. პირველი ფრენა 6 ნოემბერს თბილისიდან მილანის მიმართულებით შესრულდება.

ინფორმაციას საგარეო საქმეთა სამინისტროს პრესსამსახური ავრცელებს.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს