მარიამ ქვრივიშვილი -  ავიაკომპანია Ryanair-ის შემოსვლა უდიდეს წვლილს შეიტანს როგორც ტურიზმის, ასევე საავიაციო ინდუსტრიის განვითარებაში

საქართველოში ავიაკომპანია Ryanair-ის შემოსვლას ტურიზმის ეროვნული ადმინისტრაციის ხელმძღვანელი მარიამ ქვრივიშვილი ეხმიანება. მარიამ ქვრივიშვილის თქმით, ავიაკომპანია Ryanair-ის შემოსვლა უდიდეს წვლილს შეიტანს როგორც ტურიზმის, ასევე საავიაციო ინდუსტრიის განვითარებაში.

ტურიზმის ეროვნული ადმინისტრაციის ხელმძღვანელის განცხადებით, Ryanair -ი ძალიან ცნობადი ბრენდია, რომელიც მსოფლიოში ერთ-ერთი მოწინავე ავიაკომპანიის სტატუსით სარგებლობს. მისივე განმარტებით, სწორედ აქედან გამომდინარეობს, ის მოლოდინიც, რომელიც მგზავრთნაკადის გაზრდას და მაღალმხარჯველუნარიანი ტურისტების შემოსვლას უკავშირდება.

„ჩვენ ვგეგმავთ Ryanair -თან ძალიან მჭიდროდ ვითანამშრომლოთ, ისევე როგორც ვთანამშრომლობთ სხვა მოწინავე ავიაკომპანიებთან, იმ მიზნით, რომ მოხდეს საქართველოს სწორი პოზიციონირება, პოპულარიზაცია და ცნობადობის გაზრდა, უშუალოდ იმ ქვეყნებში საიდანაც Ryanair რეიესებს შეასრულებს როგორც დედაქალაქის, ასევე ქუთაისის მიმართულებით.

როგორც იცით, წლის დასაწყისში ტურიზმის ეროვნულმა ადმინისტრაციამ ეკონომიკისა და მდგრადი განვითარების სამინისტროს ეგიდით ძალიან დიდი მასშტაბური კამპანია დაიწყო საქართველოს ცნობადობის გასაზრდელად. უფრო დიდი აქცენტი კეთდება ევროკავშირის ქვეყნებზე, მათ შორისაა: დიდი ბრიტანეთი, ესპანეთი, იტალია, ბალტიისპირეთის ქვეყნები, ასევე სპარსეთის ყურის ქვეყნები.

რა თქმა უნდა, ინტენსიურად, უფრო მეტად გავაძლიერებთ მუშაობას ახალ მიმართულებებზე. ჩვენთვის განსაკუთრებით პრიორიტეტულია გერმანია.

პრემიერ-მინისტრის გადაწყვეტილებით და ინიცირებით, აღნიშნულ სამ მიმართულებას დაემატება კიოლნი, ეს იქნება ძალიან მნიშვნელოვანი, რადგან გერმანია განსაკუთრებით მიმზიდველი სტრატეგიული ტურისტული ბაზარია“,-აცხადებს ქვრივიშვილი.

ინფორმაციას ტურიზმის ეროვნული ადმინისტრაციის პრესსამსახური ავრცელებს.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო