კრიტიკულ ინფრასტრუქტურაში ჩვენ აუცილებლად ძალიან დეტალურად გავაკონტროლებთ ნებისმიერ აქციონერს და ნებისმიერ კომპანიას, - ეს განცხადება საქართველოს პრემიერ-მინისტრმა ჟურნალისტების კითხვის საპასუხოდ მას შემდეგ გააკეთა, რაც მედიის წარმომადგენლები დაინტერესდნენ რუსული კომპანიების ინვესტიციების სიხშირით საქართველოში.
„საქართველო ღია არის ინვესტიციებისთვის, მაგრამ მე არაერთხელ აღვნიშნე, რომ ჩვენ განსაკუთრებულ ყურადღებას ვუთმობთ ე.წ. კრიტიკულ ინფრასტრუქტურას. ბუნებრივია, აქ ჩემი პოზიცია, ისევე როგორც ჩვენი გუნდის პოზიცია, არის ძალიან მტკიცე, რომ კრიტიკულ ინფრასტრუქტურაში ჩვენ აუცილებლად ძალიან დეტალურად გავაკონტროლებთ ნებისმიერ აქციონერს და ნებისმიერ კომპანიას, რომელსაც სურს საქართველოში ინვესტიციის განხორციელება“,- განაცხადა მამუკა ბახტაძემ.