დავით ბერძენიშვილი - ბიძინა ივანიშვილი რეპრესიული პოლიტიკის მიმართულებით დღეს არ აგდებს

ბიძინა ივანიშვილი რეპრესიული პოლიტიკის მიმართულებით დღეს არ აგდებს. ძალიან მკაფიო არის, რომ ყოველდღიური შეტევა აქვს მისგან უკონტროლო სივრცეებზე, - ასე აფასებს „ინტერპრესნიუსთან“ „რესპუბლიკური პარტიის“ ერთ-ერთი ლიდერი დავით ბერძენიშვილი პროკურატურის მიერ ბიზნესმენ ავთანდილ წერეთლის მიმართ წაყენებულ ბრალს.

ბერძენიშვილის თქმით, ახლა პროკურატურა, ანუ ივანიშვილი „ტვ პირველის“ მფლობელის შანტაჟს ცდილობს, რომ „მამაშენს დავიჭერთ“.

„ივანიშვილმა ჩათვალა, რომ სიცრუე და დაშინება, პროპაგანდა და რეპრესია არის მისთვის მთავარი იარაღი და მეტი მას არაფერი დარჩენია. ვხედავთ რა პროცესები არის „რუსთავი2“-თან მიმართებაში, „ტვ პირველთან“ მიმართებაშიც აღრმავებს ამ ზეწოლას. სრულიად მკაფიო და გასაგებია, რომ „ტვ პირველის“ 100 %-იანი წილის მფლობელთან, ვახტანგ წერეთელთან შანტაჟის გზას დაადგა - „მამაშენს დავიჭერთ“, რადგან წერეთელმა საჯაროდ გამოიტანა ეს ამბავი და არ შეეგუა პროკურატურას, ანუ, ივანიშვილს და ახლა, აგერ საქმე აღუძრავთ მამამისის წინააღმდეგ - ნუ, მამა მამაა“, - აცხადებს ბერძენიშვილი.

ოპოზიციონერი ლიდერი მამუკა ხაზარაძისა და ბადრი ჯაფარიძის პროკურატურაში კიდევ ერხელ დაბარებასაც ეხმაურება და ამბობს, რომ ბოლო პერიოდში განვითარებული მოვლენები ბიძინა ივანიშვილის „ფართო ფრონტის შეტევის“ შედეგია.

„იგივე ვითარებაა ხაზარაძე-ჯაფარიძის მიმართულებით. ძალიან უცნაური დამთხვევაა ერთი მხრივ, 42%-იანი წილის მფლობელი ამერიკული გუნდი რომ გავიდა ანაკლიის კონსორციუმიდან. ეს ყველაფერი არის ივანიშვილის ფართო ფრონტის შეტევის შედეგი, მას არ სურს აიტანოს არც მისგან უკონტროლო არც მედია, არც პოლიტიკა, არც ბიზნესი, არც საზოგადოება, ეს არის ივანიშვილის ისეთი ანტიდემოკრატიული შეტევა, რომელიც დროსთან აცდენილია. მან არ იცის რა არის თანამედროვე საქართველო. თანამედროვე საქართველო არ დაექვემდებარება ივანიშვილის რეპრესიულ და პროპაგანდისტულ პოლიტიკას, ძალიან ცუდად დაამთავრებს. ძალიან მკაფიო არის, რომ ყოველდღიური შეტევა აქვს მისგან უკონტროლო სივრცეებზე“, - აცხადებს ბერძენიშვილი.

შეგახსენებთ, რომ გენერალურმა პროკურატურამ ბიზნესმენ ავთანდილ წერეთელს, „თიბისი ბანკის" დამფუძნებლების - მამუკა ხაზარაძისა და ბადრი ჯაფარიძის წინააღმდეგ აღძრული სისხლის სამართლის საქმის ფარგლებში, ბრალი წარუდგინა.

პროკურატურის განმარტებით, საქმე ეხება „თიბისი ბანკის“ ხელმძღვანელების მიერ, "უკანონო შემოსავლების ლეგალიზებაში დახმარებას, რასაც თან ახლდა განსაკუთრებით დიდი ოდენობით შემოსავლის მიღება". ავთანდილ წერეთელი დღეს ბრალის წარდგენის მიზნით პროკურატურაშია დაბარებული. საგამოძიებო უწყებაში ბრალის დაზუსტების მიზნით დაბარებულები არიან ბადი ჯაფარიძე და მამუკა ხაზარაძეც.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
ინოვაციური მომსახურება სამშენებლო სფეროში
მერაბ ჭიქაშვილი - "ხელისუფლებამ უნდა გაიგოს, რომ "ნაციონალური მოძრაობის" რეანიმაცია და გადარჩენა არ მოხდება!" (R)
თომა ხაბეიშვილი - "პატრიოტთა ალიანსი" პირველი პარტიაა, რომელიც  გამარჯვებისკენ სწორი ხედვებით მიისწრაფვის!" (R)
არჩილ ბენიძე - "ამომრჩეველზე სხვადასხვა სახის ფსიქოლოგიური ზეწოლა მიმდინარეობს!" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)
ლიბერთი #გულით და Lingwing-ის ერთობლივი პროექტი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის