მამუკა ხაზარაძე - დიდი ხანია რაც „ტვ პირველი“ არ არის მხოლოდ წერეთლების ოჯახის, ეს  მთელი საქართველოსია, სადაც თავისუფალი სიტყვა შეიზღუდება, მას მთელი საზოგადოება დაიცავს

დიდი ხანია, რაც „ტვ პირველი“ არ არის მხოლოდ წერეთლების ოჯახის, ეს არის მთელი საქართველოსი, ეს არის თავისუფალი სიტყვა. სადაც თავისუფალი სიტყვა შეიზღუდება, ჩვენ და მთელი საზოგადოება დავიცავთ მას ყველანაირი მეთოდებით, - ამის შესახებ „თიბისი ბანკის“ დამფუძნებელმა მამუკა ხაზარაძემ ჟურნალისტებს პროკურატურიდან გამოსვლის შემდეგ განუცხადა. ხაზარაძე საქმეში ავთო წერეთლის ჩართვას ტელეკომპანია „ტვ პირველზე“ ზეწოლას უკავშირებს.

„ჩვენი მეგობრის, ავთო წერეთლის, მიმართ წაყენებული ბრალი არის პირდაპირი ზეწოლა. ავთო წერეთელს იმ კომპანიებში, რომლიდანაც ჩვენ ფული ვისესხეთ, არ აქვს არანაირი წილი. იგი ამ კომპანიების არც დირექტორი იყო და არც მეწილე, შესაბამისად, გაუგებარია მისი ჩართვა ბრალდებულის სტატუსით და როლით. ანუ საქმე გვაქვს ავთო წერეთელზე ზეწოლასთან, რათა მან თავის ოჯახის წევრებზე გავლენა მოახდინოს იმისათვის, რომ ერთადერთი თავისუფალი მედიისგან ისევ მივიღოთ გაუგებარი რამ. დიდიხანია, რაც „ტვ პირველი“ არ არის მხოლოდ წერეთლების ოჯახის, ეს არის მთელი საქართველოსი, ეს არის დემოკრატიის მონაპოვარი. ეს არის თავისუფალი სიტყვა და სადაც თავისუფალი სიტყვა შეიზღუდება, ჩვენ და მთელი საზოგადოება დავიცავთ მას ყველანაირი მეთოდებით. მთელი ეს სცენარი უკვე გაშიფრულია,“ - განაცხადა მამუკა ხაზარაძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს