შეფასების და გამოცდების ეროვნული ცენტრის ხელმძღვანელის, სოფო გორგოძის განცხადებით, სამ სავალდებულო საგანში აბიტურიენტების 76-პროცენტმა ზღვარი გადალახა. მისივე ინფორმაციით, სამ სავალდებულო და ერთ არჩევით საგანში ზღვარი აბიტურიენტების 71 პროცენტს აქვს გადალახული.

„რამდენმა აბიტურიენტმა გადალახა ზღვარი და რამდენი ჩაიჭრა, ცალკეული საგნების მიხედვით ეს მონაცემები განსხვევებულია. მაგრამ ჩვენ ვიცით, მაგალითად, სამ სავალდებულო საგანში ბარიერი 76%-მა გადალახა, ამასთან 3 სავალდებულო და ერთ არჩევით საგანში ბარიერი აბიტურიენტების 71-მა პროცენტმა გადალახა.

ჩაჭრის მაჩვენებელი წინა წლებისგან დიდად არ განსხვავდება. ტენდენცია ერთი და იგივეა", - განაცხადა სოფო გორგოძემ.