თამარ ჩუგოშვილი ავთანდილ წერეთლისთვის ბრალის წარდგენაზე - ტელევიზიას მე ამას არ დავუკავშირებდი - დარწმუნებული ვარ, რომ არანაირი ჩარევა, ხელის შეშლა „ტვ პირველის“ მაუწყებლობაზე არ იქნება

სრულიად დარწმუნებული ვარ, რომ არანაირი ჩარევა, ხელის შეშლა, გავლენა „ტვ პირველის“ მაუწყებლობაზე არ და ვერ იქნება, - ამის შესახებ საქართველოს პარლამენტის პირველმა ვიცე-სპიკერმა, თამარ ჩუგოშვილმა გენერალური პროკურატურის მიერ ბიზნესმენ ავთანდილ წერეთლისთვის ბრალის წარდგენასთან დაკავშირებით განაცხადა.

„ამ ტელევიზიას ძალიან დიდ პატივს ვცემ, ისევე, როგორც ყველა სხვას და აქტიური მაყურებელი ვარ. შესაბამისად, ჩემი პირადი მოლოდინია და სრულიად დარწმუნებული ვარ იმაში, რომ არანაირი ჩარევა, ხელის შეშლა, გავლენა ტელევიზიის მაუწყებლობაზე არ და ვერ იქნება. რაც შეეხება საქმეს, როგორც ვიცი, ეს დაკავშირებულია ე.წ. თიბისი ბანკის გამოძიებასთან და გარკვეულ ფინანსურ ოპერაციებთან, რომელიც გამოძიებამ მიიჩნია უკანონოდ. ყველამ ვიცით და ძალიან კარგად ვაცნობიერებთ, რომ ეს ძალიან მაღალი საზოგადოებრივი ინტერესის საქმეა, საკმაოდ დეტალებში მიჰყვება საზოგადოება ამ საქმის განვითარებას. შესაბამისად, ინფორმაციის დანაკლისი არ არის, მეტ-ნაკლებად ყველამ ვიცით, დაახლოებით რაშია საქმე. ტელევიზიას მე ამას არ დავუკავშირებდი, სრულიად დარწმუნებული ვარ, რომ თქვენს საქმიანობაზე არანაირი ხელის შეშლა და შეფერხება ამის გამო არავითარ შემთხვევაში არ იქნება“, - განაცხადა ჩუგოშვილმა.

შეგახსენებთ, გენერალურმა პროკურატურამ ბიზნესმენ ავთანდილ წერეთელს, „თიბისი ბანკის" დამფუძნებლების - მამუკა ხაზარაძისა და ბადრი ჯაფარიძის წინააღმდეგ აღძრული სისხლის სამართლის საქმის ფარგლებში ბრალი წარუდგინა. პროკურატურის განმარტებით, საქმე ეხება „თიბისი ბანკის“ ხელმძღვანელების მიერ "უკანონო შემოსავლების ლეგალიზებაში დახმარებას, რასაც თან ახლდა განსაკუთრებით დიდი ოდენობით შემოსავლის მიღება".

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)