ევროპამ, შესაძლოა, გადასახადები შემცირების გადაწყვეტილება მიიღოს, რათა ამ გზით აშშ-სა და მის პარტნიორებს შორის მიმდინარე სავაჭრო ომის შედეგად დასუსტებული ეკონომიკა გააძლიეროს, - სააგენტო „როიტერსის“ ინფორმაციით, ამის შესახებ საფრანგეთის პრეზიდენტმა ემანუელ მაკრონმა განაცხადა.
„როდესაც ევროპას ვუყურებ, ვხვდები, რომ გვჭირდება ახალი საშუალებები ჩვენი ეკონომიკის გასაახლებლად. სავარაუდოდ, გადასახადების შემცირების გადაწყვეტილებას მივიღებთ, რაც ამ განახლების ერთ-ერთი გზაა“, - განუცხადა პრეზიდენტმა მაკრონმა აშშ-ის პრეზიდენტ დონალდ ტრამპს სამუშაო სადილის წინ ბიარიციში, სადაც „დიდი შვიდიანის“ ლიდერების სამიტისთვის იკრიბებიან.