ბრაზილიის ქალაქებში სან-პაულოსა და რიო-დე-ჟანეიროში მოსახლეობა ამაზონის ჯუნგლებში ხანძრების რეკორდული რაოდენობის გამო საპროტესტო აქციებს მართავს. ისინი ბრაზილიის პრეზიდენტს ჟაირ ბოლსონარუს ბრალს უმოქმედობაში სდებენ და ქვეყნის გარემოს დაცვის მინისტრის გადადგომას მოითხოვენ.
კოსმოსური კვლევების ინსტიტუტის ინფორმაციით, წელს ამაზონის ჯუნგლებში ხანძრების რეკორდული რაოდენობა დაფიქსირდა. მხოლოდ ბოლო 1 კვირის განმკავლობაში ხანძრის კიდევ 9 500 კერა გაჩნდა. ხანძრის შედეგად გამოწვეულმა კვამლმა ქვეყნის ყველაზე დიდ ქალაქ- სან პაულომდეც კი მიაღწია.
შეგახსენებთ, რომ 24 აგვისტოს ჟაირ ბოლონსარუმ გასცა ბრძანება, რომლის მიხედვითაც ხანძრის ჩაქრობაში მონაწილეობას დამატებით 44 000 სამხედრო პირი მიიღებს. თუმცა, საერთაშორისო ორგანიზაციები აცხადებენ, რომ ეს არასაკმარისია და ხანძრების ჩასაქრობად გაცილებით მეტია გასაკეთებელი.