„რუსთავი 2“-ის საინფორმაციო სამსახურის უფროსად ჟურნალისტ თამარ რუხაძის კანდიდატურა განიხილება

ტელეკომპანია „რუსთავი 2“-ის საინფორმაციო სამსახურის უფროსად ჟურნალისტ თამარ რუხაძის კანდიდატურა განიხილება.

არსებული ინფორმაციით, თამარ რუხაძესთან ამ საკითხთან დაკავშირებით მოლაპარაკება უკვე გაიმართა, თუმცა, თავად რუხაძე „ინტერპრესნიუსთან“ აღნიშნულ საკითხზე დეტალებზე საუბრისგან თავს იკავებს.

როგორც რუხაძემ „ინტერპრესნიუსს“ განუცხადა, თუ ვინმე მის კანდიდატურას განიხილავს, ამის შესახებ ტელეკომპანია „რუსთავი 2“-ში უნდა დავაზუსტოთ.

„თუ ვინმე განიხილავს ჩემს კანდიდატურას, ეს უნდა ჰკითხოთ თავად მათ“, - განაცხადა რუხაძემ.

კითხვაზე, ჰქონდა თუ არა მას შემოთავაზება ტელეკომპანიის ხელმძღვანელებისგან, რუხაძემ კომენტარის გაკეთება არ ისურვა.

შეგახსენებთ, რომ ტელეკომპანია „რუსთავი 2“ ჟურნალისტების თითქმის მთელმა შემადგენლობამ დატოვა. მანამდე, ტელეკომპანიის გენერალურმა დირექტორმა პაატა სალიამ თანამდებობიდან გაათავისუფლა „რუსთავი 2“-ის საინფორმაციო სამსახურის უფროსი ნოდარ მელაძე.

მედიაში არსებული ინფორმაციით, საინფორმაციო სამსახურის უფროსის თანამდებობაზე ერთ-ერთ კანდიდატად ნინო შუბლაძე განიხილებოდა, თუმცა, თავად შუბლაძემ რამდენიმე დღის წინ სოციალურ ქსელში დაწერა, რომ მას მედიაში, კერძოდ „რუსთავი2“-ში დაბრუნების თაობაზე გადაწყვეტილება არ მიუღია. როგორც შუბლაძე განმარტავს, მან მხოლოდ შემოთავაზება მიიღო.

ამასთან, საინფორმაციო გამოშვება „კურიერი“ 20 აგვისტოდან, მას შემდეგ, რაც „კურიერის“ წამყვანებმა დიანა ჯოჯუამ და მიხეილ სესიაშვილმა დატოვეს, ეთერში აღარ გადის.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"