ქართველმა ნიჩბოსანმა ზაზა ნადირაძემ უნგრეთში მიმდინარე მსოფლიო ჩემპიონატის გათამაშებაზე C1 200 მეტრზე სპრინტში მე-3 ადგილი დაიკავა და ბრინჯაოს მედალი მოიპოვა.

ზაზა ნადირაძეს 200 მეტრის დასაფარად 40.24 წამი დასჭირდა. პირველ ადგილზე ლიეტუველი ჰენრიკას ზუსტაუსტასი გავიდა 39.36 წამით, ხოლო მეორე ადგილი ბელორუსმა არტსემ კოზირმა დაიკავა 40.08 წამით.

მსოფლიო ჩემპიონატზე რამდენიმე ეტაპი იმართება და მსოფლიო ჩემპიონი საერთო ჩათვლით გამოვლინდება.