15 სექტემბრისთვის ჭავჭავაძის გამზირზე ავტომანქანების მოძრაობა ნაწილობრივ აღდგება

ვაკეში, ჭავჭავაძის გამზირზე ავტომანქანებისთვის გადაადგილება ვარაზის ხევიდან „პიქსელის“ შენობამდე, 15 სექტემბრისთვის იქნება შესაძლებელი. ამის შესახებ დედაქალაქის მერმა კახა კალაძემ ჟურნალისტებს ჭავჭავაძის გამზირზე მიმდინარე სარეაბილიტაციო სამუშაოების დათვალიერების შემდეგ განუცხადა. როგორც კალაძემ აღნიშნა, მთლიანად გამზირის მოწესრიგებას მერია ახალი წლისთვის გეგმავს.

„ჭავჭავაძის გამზირზე პროექტის პირველი ეტაპი დამთავრებულია. მხედველობაში მაქვს მიწისქვეშა კომუნიკაციები. მთლიანად მოწყობილია ახალი საკანალიზაციო ქსელი, ახალი წყლის მილებია ჩადებული, ასევე მოწესრიგებულია სანიაღვრე ქსელი. პიქსელის შენობამდე ეს სამუშაოები მთლიანად დამთავრებულია. ახლა უკვე შემოსულია საგზაო კომპანია, რომელიც იწყებს გზის მოწესრიგებას. პარალელურად მიმდინარეობს ტროტუარების მოწყობა და მოწესრიგება. ვფიქრობთ, 15 სექტემბრისთვის ვარაზისხევის ამოსასვლელიდან პიქსელის შენობამდე ქვედა ფენებში საგზაო ინფრასტრუქტურა უკვე მოწყობილი იქნება და ავტომობილებით გადაადგილება იქნება შესაძლებელი. იცით, რომ ჭავჭავაძის გამზირი იქნება რადიკალურად განსხვავებული, ვიდრე დღემდე იყო. ფაქტიურად, ახალი მიდგომებია. საზოგადოებრივი ტრანსპორტისთვის ახალი ზოლები იქნება და ისინი გზის შუა ნაწილში იმოძრავებენ ყოველგვარი შეფერხების და პრობლემების გარეშე. ასევე საგზაო ნაწილს დაემატება ველობილიკებისთვის შესაბამისი ზოლები და ტროტუარები ახალი ფილებით მოპირკეთდება. ელექტროგადამცემი ხაზები, რაც ახლა მიწის ზემოთ არის, მიწის ქვეშ ჩავა. ძალიან ლამაზი ქუჩა გამოვა. მთლიანად დასრულებას საახალწლოდ ვფიქრობთ“, - განაცხადა კალაძემ.

როგორც დედაქალაქის მერმა განაცხადა, მიწისქვეშა კომუნიკაციების მოწყობის სამუშაოებს უცხოური კომპანია მეთვალყურეობდა, გარდა ამისა, კალაძის თქმით, სამუშაოს ამოწმებს თბილისის მერიის მუნიციპალური ლაბორატორია.

„იყო შემთხვევები, როდესაც ხარისხი არ ექვემდებარებოდა მოთხოვნებს და კომპანიას თავიდან მოუწია ამ კონკრეტული სამუშაოების შესრულება, ზედამხედველობა, რა თქმა უნდა, გრძელდება“, - განაცხადა კალაძემ.

იხილეთ ვიდეო: 15 სექტემბრისთვის ჭავჭავაძის გამზირზე ავტომანქანების მოძრაობა ნაწილობრივ აღდგება

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება