ზელიმხან ხანგოშვილის საქართველოში გადმოსვენებაზე გერმანიის პროკურატურამ თანხმობა გასცა,- აცხადებს საგარეო უწყების წარმომადგენელი ვლადიმერ კონსტანტინიდი. მისი თქმით, საქმეზე დამატებითი დეტალები უცნობია.

„ვინაიდან საკითხს იძიებენ გერმანელი სამართალდამცველები, ამ ეტაპზე რაიმე სახის კონკრეტულ ინფორმაციას ვერ დავადასტურებ. პროკურატურამ გასცა თანხმობა გადმოსვენებაზე, რაზეც საელჩო უახლოეს მომავალში დაიწყებს მუშაობას,- აღნიშნა კონსტანტინიდმა.

შეგახსენებთ, რომ ზელიმხან ხანგოშვილი 23 აგვისტოს ბერლინში მოკლეს. ბრალდებული, რომელიც სამართალდამცველებმა ცხელ კვალზე დააკავეს, ამჟამად წინასწარი დაკავების იზოლატორში იმყოფება.

მედიაში გავრცელებული ინფორმაციით, ზელიმხან ხანგოშვილის გვარი და სახელი ლაფანყურის სპეცოპერაციის საქმეში ფიგურირებს.