თურქეთისთვის „ეს 400“-ის მეორე ბატარეის მიწოდება ხვალ იწყება
რუსული რაკეტსაწინააღმდეგო კომპლექსის „ეს400“-ის მეორე ბატარეის მიწოდება თურქეთისთვის ხვალ დაიწყება. ამის შესახებ თურქეთის თავდაცვის მინისტრმა ჰულუსი აკარმა განაცხადა.
ნატო-ს წევრი თურქეთის მიერ ამ რაკეტსაწინააღმდეგო სისტემის შეძენას აშშ კატეგორიულად ეწინააღმდეგებოდა. თურქეთმა რუსეთთან გარიგებაზე უარი არ თქვა და ამის გამო აშშ-მ თურქეთი ამერიკული მრავალფუნქციური მოიერიშე ავიაგამანადგურებლების, მეხუთე თაობის „ეფ35“-ის პროგრამიდან გარიცხა. თურქეთს ეს თვითმფრინავებიც უნდა მიეღო და თურქი მფრინავები აშშ-ში უკვე მათ მართვაში ვარჯიშობდნენ.
ამ ინფორმაციას „ანადოლუ“-ზე დაყრდნობით „რია ნოვოსტი“ ავრცელებს.
