აშშ-ის პრეზიდენტმა დონალდ ტრამპმა საფრანგეთში გამართულ „დიდი შვიდეულის“ სამიტს რეალურად წარმატებული უწოდა და აღნიშნა, რომ „შეხვედრის მონაწილეებმა ერთიანობა უჩვენეს და ერთმანეთს კარგად გაუგეს“.
სამიტის შემდეგ ფრანგ კოლეგასთან, ემანულე მაკრონთან ერთად გამართულ პრესკონფერენციაზე, ირანის თემის კომენტირებისას, თეთრი სახლის ლიდერმა განაცხადა, რომ თუკი ირანი კვლავაც გააგრძელებს იმავეს კეთებას, რასაც აკეთებს, ის ხისტ ძალას შეეჯახება.
„მათ არ უნდა გააკეთონ ის, რის გაკეთებას დაგვპირდნენ, რადგან თუკი ისინი ამას გააკეთებენ, ისინი ძალიან ხისტ ძალას შეეჯახებიან. ასე რომ, ვფიქრობ, ისინი კარგად მოიქცევიან“, - განაცხადა დონალდ ტრამპმა.
მანვე პრესკონფერენციაზე განაცხადა, რომ შეუძლია შეხვდეს ირანის პრეზიდენტს ჰასან რუჰანის, თუკი მართებული გარემოება იქნება.