დაკვეთა იმისა, რომ დამოუკიდებელმა მედიამ ქართულ მედიასივრცეში დაიწყოს მუშაობა და მასზე ზეგავლენა იყოს შეზღუდული, იქნება ეს პოლიტიკური თუ ბიზნესის, არის გამოკვეთილი და ეს დაკვეთა მოდის საერთაშორისო პარტნიორებისგან, - ამის შესახებ ტელეკომპანია „რუსთავი 2“-ის აღმასრულებელმა დირექტორმა და საინფორმაციო სამსახურის უფროსმა ირაკლი იმნაიშვილმა ბრიფინგზე განაცხადა.

როგორც იმნაიშვილმა აღნიშნა, სწორედ ამ მხარდაჭერაზე გაკეთდება აქცენტი.

„მე არავითარ შემთხვევაში არ დავიწყებდი ამ მოლაპარაკებებს, რომ არა საოცრად დიდი მხარდაჭერა საერთაშორისო პარტნიორების და საქართველოში აკრედიტებული დიპლომატიური კორპუსის. სწორედ ამ მხარდაჭერაზე გაკეთდება აქცენტი. როგორც კი შევიმუშავებთ ჩარჩო ხელშეკრულებას, მოვახერხებთ დავასრულოთ მოლაპარაკების პროცესი, აუცილებლად გაკეთდება ამ ჩარჩო ხელშეკრულების პრეზენტაცია. მოვიწვევთ ჟურნალისტებს და საქართველოში აკრედიტებულ დიპლომატიურ კორპუსს. დაკვეთა იმისა, რომ დამოუკიდებელმა მედიამ ქართულ მედიასივრცეში დაიწყოს მუშაობა და მასზე ზეგავლენა იყოს შეზღუდული, იქნება ეს პოლიტიკური თუ ბიზნესის, არის გამოკვეთილი და ეს დაკვეთა მოდის საერთაშორისო პარტნიორებისგან. ახლა ამოცანაა ეს დაკვეთა შესრულდეს და გაჩნდეს ამის პოლიტიკური ნება“, - განაცხადა იმნაიშვილმა.