ძალიან მალე „რუსთავი 2“ დაგიბრუნდებათ იმ გადაცემებით, რომლებიც მაყურებლების დიდი პოპულარობით სარგებლობდა, - ამის შესახებ ტელეკომპანია „რუსთავი 2“-ის გენერალურმა დირექტორმა პაატა სალიამ ბრიფინგზე განაცხადა.
როგორც სალიამ აღნიშნა, უახლოეს დღეებში საზოგადოება მეტ პოზიტიურ სიახლეს უნდა ელოდოს.
ამასთან, პაატა სალიამ აღნიშნა, რომ „რუსთავი 2“-ის კარი ღიაა ყველასთვის, პროფესიონალებისთვის, „ვინც წლები მუშაობდა და მართლა უნდა, რომ ეს არხი იყოს მაღალპროფესიული, დამოუკიდებლი, მიუკერძოებელი და კრიტიკული ტელევიზია“.
შეგახსენებთ, რომ პაატა სალიამ დღეს ტელეკომპანია „რუსთავი 2“-ის ახალი აღმასრულებელი დირექტორი და არხის საინფორმაციო სამსახურის უფროსი ირაკლი იმნაიშვილი წარადგინა.