გერმანიის საგარეო უწყება - არ ვაღიარებთ ე.წ. არჩევნებს, რომელიც საქართველოს სეპარატისტულ რეგიონში, აფხაზეთში გაიმართა

გერმანიის საგარეო საქმეთა სამინისტრო საქართველოს ოკუპირებულ რეგიონში - აფხაზეთში ჩატარებულ ე.წ. საპრეზიდენტო არჩევნებს ეხმაურება.

როგორც გერმანიის საგარეო უწყების მიერ გავრცელებულ განცხადებაშია აღნიშნული, ე.წ. არჩევნებს და მის შედეგებს უკანონოდ მიიჩნევენ.

„გერმანიის ფედრალური მთავრობა მტკიცედ დგას საქართველოს გვერდში რაც შეეხება მის სუვერენიტეტს და ტერიტორიული მთლიანობას მის საერთაშორისოდ აღიარებულ საზღვრებში. ისევე როგორც ჩვენი პარტნიორები ევროკავშირში, ჩვენ არ ვაღიარებთ ე.წ. „არჩევნების“ არც კონსტიტუციურ და არც სამართლებრივ ჩარჩოს, რომელიც 25 აგვისტოს საქართველოს სეპარატისტულ რეგიონში აფხაზეთში გაიმართა. ჩვენ ამ „არჩევნებს“ და მის შედეგებს უკანონოდ მივიჩნევთ“, - ნათქვამია გერმანიის საგარეო უწყების განცხადებაში.

ცნობისთვის, ოკუპირებულ აფხაზეთში გუშინ ე.წ. საპრეზიდენტო არჩევნები გაიმართა.

იხილეთ ვიდეო: გერმანიის საგარეო საქმეთა სამინისტრო საქართველოს ოკუპირებულ რეგიონში - აფხაზეთში ჩატარებულ ე.წ. საპრეზიდენტო არჩევნებს ეხმაურება

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია