„დიდი შვიდეულის“ სამიტის ბოლო დღეს ცნობილი გახდა, რომ „ნორმანდიის ფორმატში“ შეხვედრა სექტემბერში გაიმართება. ამ ფორმატში ერთმანეთს შეხვდებიან: რუსეთის, უკრაინის, გერმანიისა და საფრანგეთის პრეზიდენტები და განიხილავენ უკრაინა-რუსეთის კრიზისს.
ნორმანდიის ოთხეულის შეხვედრა დიდი ხანია არ გამართულა. უკრაინის ახალარჩეული პრეზიდენტის ვლადიმირ ზელენსკისთვის კი ეს შეხვედრა პირველი იქნება.
აღნიშნულ ინფორმაციას „ბიბისი“ ავრცელებს.