საქართველოს ვეტერანების საქმეთა სახელმწიფო სამსახურის დელეგაცია უკრაინაში აშშ-ს საელჩოს წარმომადგენელს შეხვდა

კიევში, საქართველოს საელჩოში, საქართველოს ვეტერანების საქმეთა სახელმწიფო სამსახურის დელეგაციის ოფიციალური ვიზიტის ფარგლებში, შეხვედრა გაიმართა უკრაინაში აშშ-ს საელჩოს წარმომადგენელთან, უფროს სამედიცინო მრჩეველთან ვეტერანთა მომსახურების და ჯარისკაცთა რეაბილიტაციის დარგში შერი მიშელთან, - ამის შესახებ „ინტერპრესნიუსს“ ვეტერანების საქმეთა სახელმწიფო სამსახურიდან აცნობეს.

„ვეტერანების საქმეთა სახელმწიფო სამსახურის დირექტორმა შეხვედრაზე ისაუბრა უწყების მუშაობის პრინციპის, პრიორიტეტების, ვეტერანთა სოციალური, ჯანდაცვის და დასაქმების საკითხებზე. აღსანიშნავია, რომ შერი მიშელი საქართველოში, ამერიკის შეერთებული შტატების საელჩოში მუშაობდა სხვადასხვა პროექტებზე და მისთვის გარკვეულწილად ცნობილია ქართველი ვეტერანების და ჯარისკაცების საჭიროებები და პრობლემები. შეხვედრაზე მერი მიშელმა ქართულ მხარეს ვეტერანების სოციალური და ფსიქოლოგიური მდგომარეობის გაუმჯობესების კუთხით ბევრი სასარგებლო და საინტერესო რეკომენდაცია მისცა.

მისი განცხადებით, ვეტერანების ფსიქორეაბილიტაციის საკითხებზე მუშაობისას ძალიან მნიშვნელოვანია საერთაშორისო ორგანიზაციების ჩართულობა. მან ასევ ისაუბრა უკრაინაში არსებულ „ვეტერანების სახლზე“, რომელიც ვეტერანების ფსიქორეაბილიტაციის მიზნით არის შექმნილი. მისი განცხადებით, „ვეტერანის სახლში“ ჰყავთ ექიმები, ფსიქოლოგები, სოციალური მუშაკები და მომსახურე პერსონალი, რომლებიც მაქსიმალურად ცდილობენ ვეტერანებს პრობლემების გადაჭრაში დაეხმარონ.

შეხვედრაზე გაჩნდა იდეა, რომ მსგავსი ტიპის „ვეტერანების სახლი“ საქართველოშიც გაიხსნას, რომელიც ქართველ ვეტერანებსაც მნიშვნელოვნად გაუადვილებს ფსიქორეაბილიტაციის პროცესს“, - ნათქვამია გავრცელებულ ინფორმაციაში.

შეხვედრას ესწრებოდნენ ვეტერანების საქმეთა სახელმწიფო სამსახურის დირექტორი, ვლადიმერ იმნაძე, დირექტორის პირველი მოადგილე, ნიკოლოზ კვეზერელი, საქართველოს პარლამენტის თავდაცვისა და უშიშროების კომიტეტის თავმჯდომარის მოადგილე, კობა კობალაძე, ვეტერანების საქმეთა სახელმწიფო სამსახურის სამართლებრივი უზრუნველყოფის დეპარტამენტის უფროსი, მიხეილ ხურციძე, ვეტერანების საქმეთა სახელმწიფო სამსახურის პროტოკოლის განყოფილების უფროსი, ეკატერინე ფაჩულია და საქართველოს თავდაცვის ატაშე უკრაინაში, ლევან გამყრელიძე.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი